ماشية لا بيكِ ولا عليكِ🚶♀️🚶♀️
رجلك وديتك ناحية مسجد 🕌 عتيق
فى منطقة آثرية 🏰ليها طابع ومعبقة بتاريخ 🗺
قولتى وماله فرصة ارجع واكتب تقرير ✍️ ارجع به لشغفى القديم…📝
شوفتى لمة وهيصة وناس بتصوت كتير 😱
فى ايه هو انا لسه بديت 🤔
خير يا جماعة فى ايه ‼️
ده. " عاطف " حارس المسجد 👳🏻♂️فتحوا لقوه مرمى على الارض قاطع ماية ونور
لا حول ولا قوة إلا بالله هو انا وشى نحس 🤦🏼♀️ولا ايه
لا لا متقوليش كده ده قدر ونصيب 💁🏼♀️
طيب ديه موتة طبيعية يا عالم فضوا الهيصة ويلا بيتكم بيتكم مش عايزين زحمة ولمة حوالين البوليس 👮🏻♂️
طيب يا " عصام " بيه ممكن اعرف انت جاى ليه
ايه لازمة بوليس 🚔 بدل الموتة فى السليم ومفيش شبهة ولا قتيل 🔪
وانتى مالك يا أستاذة " ريم " انتى هتعرفينا شغلنا واحنا بنكتب التحقيق 🕵🏻♂️
وابتديت الحكاية بناقر😠 ونقير 😤وطبعا كلنا عارفين القط 🐈⬛ مبيحبش غير اللى يخنق عليه 😉
وتدعبس ريم ورا موت " عاطف " حارس المسجد وتشك انه قتيل مش مجرد ميت فى السليم زى ماهما شايفين وبدات تربط لما حصلت ميتات تانية كتير الظاهر مش مرتبطين لكن الحقيقة ان فيه شىء مريب 🤨 وغالبا السبب موجود فى بيت 🏠عم " لطفى " العتيق شكله آثر قيم وهيطلع وراه دليل 📄على مقتل عاطف وأحمد وبنت ناجى " المريد " 📿…
وكله هيظهر ويبان لما تبدا " ريم " التحقيق 📁
قصدك "عصام " ما هو ده المحقق اللى ماسك القضيتين
لا قصدى " ريم " وزى ما بيقولوا ما يجيبها إلا ستاتها … وصلت لطرف الخيط وبنظرة محلل لضمت القصتين وهنعرف ايه اللى مستخبى فى قصبة رضوان من سنين 😉
رواية تشويقية تاخدك لمناطق تشم فيها روائح بيوت الخيامية وحوانيت الحرفيين ..
حبيت احداثها وسرعتها و علاقة الابطال ومناكفتهم ببعضيهم
وتخبطهم وحيرتهم وحواراتهم مع نفسيهم
الرواية مش مجرد جريمة تحاول تشوفلها حل
لا حبيت فيها افكار ابطالها اللى كانوا بيديروها بينهم وبين نفسهم
يعنى نقدر نقول جريمة مع لمحة رومانسية خفيفة فى اجواء آثرية جميلة
والنهاية بقى مقولكمش كانت صدمة ليا ولـ " سارة "
سارة مين بقى هتعرفوا لما تقروها 😉
"من منا ظل محتفظا بالطفل الذى كان عليه؟
من منا ظل بريئا لم تلوثه الأيام ولم تخدشه التجارب؟
من منا لم تبكيه اختياراته؟
ولم يشعر بندم على اختيار بدل حياته؟"
#مكتبة_دنيا
#قراءات_٢٠٢٢