أنا مش من محبي الروايات البوليسية..
لكن الرواية هنا مش بتتعامل مع الفن البوليسي بشكل عادي ..
الكاتب بقدرة هايلة بينتقل ما بين الحاضر والماضي وبيربك القاريء ما بين زاويتين لأنه غير الزمن عامل مالتي فيرس جوا الرواية، كاتب بيكتب رواية عن كاتب وبتدور الأحداث ما بين العالمين الحقيقي والروائي بشكل مثير ومحير وبيستدعي إنتباه كبير من القاريء عشان يقدر يكمل كفاحه في القراءة وفهم الرواية وربط الأحداث وإدراك كل فصل بينكتب في أي زمن وأي عالم إن كان روائي أم واقعي!!
بالضبط .. زي ما الريفيو بتاعي صعب إنه يتفهم ومحتاج تركيز وإعادة قراءة .. فالرواية كدا بالضبط .. عشان كدا بنصح بقرائتها بعد الفطار مش أثناء الصيام 😁
اللوم الوحيد اللي عندي للكاتب كمية البلوت تويست الكبيرة أوي اللي فضلت لحد آخر صفحة في الرواية، لدرجة إني بعد ما خلصتها قلت جايز النهاية دي مش النهاية الأخيرة وحاولت أتعلم منه إزاي أعملها نهاية جديدة غير الخمسمية نهاية اللي حصلوا 😂