الرواية : #النقشبندي
الكاتبة : #رحمة_ضياء
عدد الصفحات : ٢٢٤
دار النشر #دار_الشروق
🌙مولاي إنى ببابك قد بسطت يدى 🤲🏻
من لي ألوذ به إلاك يا سندي 💙
مين فين مترباش على صوت ابتهالات النقشبندى
وصوت إذاعة 📻القرآن الكريم من القاهرة تقدم …. 🎙
ويهل عليك بصوته الرخيم 🎤
يخليك تهيم فى ملكوت الرحمن الرحيم 🌄
وينسيك ساعات الصيام بعذوبة صوته والكلمات..
انا دوبت خلاص وانا بكتب الكلام 🥰🥰
كان حلم " نصرة " وهى على مشارف الأربعين
تحقق حلمها زى الملايين
اصل الحلم 💭مش مستحيل ❎
هو محتاج ارادة وتصميم 💪🏻
مش يأس وكسل و تبكيت😔
فى يوم صحيت و عزمت امرها 🏃♀️
وكعادة الشريك بدل ما يقويك
لازم يبكيك ويتريق ويغيظ ويقولك كلمتين من بتوع " بعد ما شاب 👴🏼ودوه الكتاب ✍️" بالرغم من أنه ساعات بيبقى جواه نفسه شريكه ينجح ويفرح به كمان
لكنه هو عادة الإحباط والسخرية والإستهزاء لزوم إثبات الذات عند بعض الناس 😒
قررت نصرة تخطو أول خطواتها 👣فى عالم الكُتاب ✍️وبحثت عن أكتر شخصية آثرت فيها وحست أنها عايزة تعرف عنه وعن حياته وازاى عاش … ده غير انه زيها وازدهر فى الخمسينات يعنى مش زى ما بيقولوا " القطر 🚉فات على الأحلام " 💭
خدت شنطتها 🧳وهووووب ركبت القطر 🚞اللى رايح على بلد محبوبها الشيخ " النقشبندي" 👳🏻♂️طنطا صحيح مولده مش هناك لكن حياته أغلبها عاشها يجاور مسجد 🕌 السيد البدوي اصله لبى النداء
وكان لازم يرحل لهناك …
مش هتكلم عن الأولياء وكراماتهم لان ده مش موضوع الكتاب ولا موضوعى انا كمان
انا هتكلم عن ربط رحلة " نصرة " مع " النقشبندي" وازاى الكاتبة " رحمة ضياء " خرجتها فى صورة فانتازية ولا كأنك فى حلم من الأحلام
بين الحاضر والماضى وخليتك تعيش حدث حدث وكأنك معاهم فى كل خطاهم ومستأنس بهم وبحكاويهم
عرفت عن أحلامهم وآمانيهم
لحظات ضعفهم و انكسارهم
وأوقات فرحهم و نجاحهم
وما بين يأس واستسلام
بيظهر دايما أمل 🙏🏻 وفرصة لحياة
استمتعت جدا جدا بالرحلة ، حلوة جدااا لما تلاقى كتاب 📕 سيرة ذاتية فى صورة روائية حقيقى عيشت معاهم واتأثرت بشخصياتهم وحسيت بهم
ومش هنكر انى عيطت فى لحظات الفراق بينهم وبين بعضيهم 🥺
#مكتبة_دنيا
#قراءات_٢٠٢٢