الرواية : #الروليت_الروسي
الكاتب : #رفاييل_مونتيز
عدد الصفحات : ٤٣٣
دار النشر : #دار_العربي_للنشر_والتوزيع
إلى أى مدى قد نعرف الناس حقا‼️
لا ازااااى ديه صاحبتى 👭ديه اقرب ليا من أختى
ديه الست 👵🏼ديه أمى شايلانى طول عمرها
ده الراجل ده أخويا 🧍🏼اللى مجبتهوش الست الوالدة 😑
وعلى رأى مهرجان 🎡 أندال أندال
" وأنا اقولهم ده أخويا براكم ده ابن أبويا … مع أن أنا عارفك قلبك اسود 🖤 يلا مدهون بالبويا 🛢"
بيتهيألك 🙄
ايوه بقولها بالامانة … بيتهيألك أنك عارف وحافظ وضامن اللى قدامك ده اللى ظاهرلك
مش بخوفك تؤتؤ 🤨
لا بصراحة بخوفك 😉لان الدنيا ريتمها ومتطلباتها بقيت تقلب ♻️فى نفوس 🖤الناس ولا كأنها بتقلب 🎮 قنوات فى التلفزيون📺 ..
بين يوم وليلة متضمنش نفس اللى قدامك هواهم يحولهم ويصورلهم ايه تجاهك
مش بيقولوا احذر عدوك مرة وصديقك ألف مرة 🤦🏼♀️
خاف يا عيد 😁
وده اللى حصل فى الرواية بس ياترى مين فيهم يا ولاد اللى كان السبب ‼️
مين اللى اللعبة باينت نواياه ..
مين اللى مع اول لفة لاسطوانة المسدس 🔫خاف وارتعش 😬وقال مش لاعب كمان🙅🏻
مين اللى فضل نفسه على صاحبه
مين حامى 🤗ومين باع 💸
مين قال لا ستووووووب بلاش ✋🏻
ومين داس على الزناد 🔫
9️⃣أصدقاء اسودت الحياة فى عينيهم 👀⚫️بسبب ظروف صوروا لنفسهم أنها صدمتهم فى عيشتهم
و بعد ما كل واحد فيهم اتعرض أو يأس من حاجة قرروا يروحوا برجلهم لتجربة الروليت الروسى 🔫.. ( اللى اخرها طبعا موت 💀) يعنى من الآخر قرروا يتسلوا بإنهاء حياتهم🪦 فى صورة لعبة
واهو منهم يسيبوا صاحبهم الكاتب ✍️ اللى فشل فى نشر كتابه 📕 يحكى حكايتهم وهما بيلعبوا فى كتاب 📕 جديد ويبقى اخر واحد يموت فيهم …
بس ياترى فعلا كانوا عايزين ينتحروا ولا لما شافوا الموت تراجعوا ❔❗️
طيب فى لحظة موت كل واحد ياترى هيكتشف ايه عن صاحبه اللى جنبه كان مخبيه جوا نفسه ولما جت الفرصة ظهر شيطانه 😈 ووسوس له نفسك أهم من اللى فاكره صاحبك 🤦🏼♀️
ياترى هيخلصوا على بعض ولا هيعقلوا مع اول طلقة تروح فيها روح 🤷🏼♀️
بس الأكيد أن فيه " محرض ومستفيد " فى اللعبة
ياترى مين ⁉️🤔
"هناك بعض الأشياء التى نفعلها فى الحياة والتى ندرك لاحقًا أنها بلا طائل..
حالة غريبة هتحطك فيها الرواية مش بعيد تشك فى نفسك انك انت اللى اقنعتهم يلعبوا 🤭
عيبها الوحيد التطويل فى التحقيقات اللى هتم بعد مرور عام على حادثة الروليت
يعنى متشوق وادرينالينك بيرتفع وامهاتهم يهبطوك برغيهم وخناقاتهم فى التحقيقات فكرونى بجروبات الأمهات على الواتس آب 😂🤦🏼♀️
"إذا لم يكن أطفالنا هنا اليوم فهذا لاننا فشلنا لم نكن امهات جيدات حتى ننجح فى أن نبقيهم على قيد الحياة".
بجد استمتعت بالقصة والحبكة المميزة للجريمة لا حاجة كده خيال والمفاجأة ليا كانت النهاية لان الدماغ راحت طول الرواية فى اتجاهات تانية خااااالص غير اللى حصل فعليا…
هتطلع منها مصدوم وشاكك فى نفسك 😁
ومش بعيد تعمل بلوك لأصحابك 🤦🏼♀️🙆🏼♀️
برشحها لمحبى الجريمة والتشويق بس خلى عندك صبر للرغى للكتير 😁
#مكتبة_دنيا
#قراءات_٢٠٢٢