رحلة لطيفة بطابع سينمائي مع جلال الابن اللي اتولد لأب مسلم و أم يهودية ، مات أبوه في عمل فدائى بعد العدوان الثلاثي من غير ما يشوف ابنه ، فاتربي الولد مع أمه في بيت جده زكي و جدته إيڤون أم منقار زي ما كان أهل الحارة بيسموها .... بياخدنا جلال في حكايته و بنشوف بعنيه مصر في الستنيات من الحارة للريف ، مدرسته ، بيته ، حياته مع جده و جدته و أمه ، بنعيش صورة كاملة و وصف مفصل للحياة الاجتماعية في مصر في الفترة دي من غير دخول في تفاصيل الواقع السياسي.
حكي لطيف كوميدي في كتير من الأحيان مع وصف مفصل كأنك بتشوف فيلم سينما ، بنلمس الماضي بما فيه من ذكريات و مشاعر ، حيرة و تعاطف بنعيش مع جلال رحلته و بتنتهي الأحداث و احنا محتارين معه يا تري يفضل في باريس و لا يمشي ورا حنينه و يرجع مصر؟