الرواية : #رابطة_كارهي_سليم_العشي
الكاتب : #سامح_الجباس
عدد الصفحات: ٤٢٨
دار النشر : #العين_للنشر_والتوزيع
كيف تحول الساحر 🪄إلى نبى 😇📿؟
متى تحول السحر 🔮 إلى خوارق ومعجزات 🌋
ماذا حدث من تحولات 🔁 فى هذه السنوات🗓
طيب نبتدى الحكاية واحدة واحدة 🤌🏻 كده علشان نفهم 🤔
سامح ✍️ لقى نفسه مطلوب منه يكتب رواية 📖عادى 💁🏼♀️
ما تكتب يا أستاذ سامح وماله خاصة أن ظروفك المعيشية حاليا فى حاجة للأوفر الرهيب اللى عرضته عليك الجهة المجهولة ديه اللى منعرفش ايه سبب طلبها 😃
لا ما هى المشكلة مش انه هيكتب عن احداث وحياة لبطل من ورق 📑زى ما بيقولوا .. من وحى 💭 خياله 🧐
هو مطالب يكتب عن شخص بعينه
شخص مش عادى
شخص اتحكى واتقال عليه كلام كتير غريب 😎ومريب 😬
قالوا ساحر 🪄قالوا مشعوذ 🧝🔮
والأغرب أنه اتقال عليه " نبى" 😇🙄
هو مش زمن الأنبياء والمعجزات انتهى بنهاية خاتم المرسلين … 🤷🏼♀️
" سليم العشي" او " داهش" زى ما سمى نفسه واتسميت بعد كده عقيدته بالداهشية اللى آمن 🙇♀️بها بعض الناس فى زمنه .. هو مش بيدعى النبوة هو راجل عنده شوية مهارات 🤹🏻 مش عارفة ازاى بمنتهى الصراحة وشايف نفسه عنده كرامات
بيآمن بكل الأديان مع اعتراضه على شوية طقوس تبناها رجال الدين فى مختلف الأديان ..
« يعترف بما أنزل على الأنبياء والمرسلين ويحترم جميع العقائد الدينية لكنه لا يعترف ببعض الطقوس يعتبرها بدعة ابتكرها رجال الدين لأهداف ذاتية
الداهشية رسالة إلهية تهتم بلباب الدين لا بقشوره »
طيب ايه هى عقيدته او رسالته 📜
هو اللى اخدتى بالى منه قوى انه بيعيد ويزيد فيه طول الرواية " حالة التقمص " وده اللى بنى على اساسه عقيدته ❕
ايه بقى حالة التقمص ديه ❓❓
هو بيآمن أن الإنسان بعد ما يموت روحه بتروح لشخص تانى فى الحياة الدنيا ومقتنع أن الانسان قدامه فرصه أنه يعوض افعاله المهببة 😈فى حياته السابقة فى حيوات اخرى هيعيشها لسه فى اجساد تانية وطول الرواية بيدى أمثلة لكده …
"فالانسان لا يستطيع أن يكون سلوكه مثاليا فى الفترة القصيرة التى يعيشها على الأرض
لذلك اعطانا الله فرصة إصلاح أنفسنا والإرتقاء بأرواحنا فمنحنا نعمة التقمص
فإت تكرر مجىء الانسان إلى الارض دون أن يحسن سلوكه وبقيت اعماله شريرة إذ ذاك يخلد فى جهنم".
وان ازاى فيه كُتاب ✍️ كبار وفنانين 🕴وروساء ورجال دول👨⚖️ آمنوا به وصدقوه واقتنعوا بآرائه وأفكاره …💡
الرواية بدأت بأن مطلوب من الكاتب ده اكتشاف شخصية "داهش" فى ظروف غريبة انه يسيب بلده لمدة سنة ويسافر "لبنان" ويتفرغ تماما للرواية على أنه ماياخدش معلوماته من وسائل التواصل الاجتماعى و لازم هو يوصل لوحده لكتابة رواية عنه …
ليه ❓ مش عارفة 🤷🏼♀️
البداية كانت موفقة بالنسبة ليا وشدتنى بالفعل وبقى عندى فضول ادعبس أنا كمان ورا " داهش "
شاب صغير عمره معداش الـ 2️⃣0️⃣ سنة يخرج من الميتم يشتغل فى تصليح السيارات 🚘🚙وتأجير الدراجات 🚲فجأة يبدأ فى عمل بعض الحركات السحرية 🤹🏻 ويتشهر ويذاع صيته على أنه "هادى" وله أتباع 🤭
لكن بدأت أفقد الشغف مع تكرار الاحداث لأن الرواية اصبحت ان الكاتب بيقرأ مقالات او اخبار عن " الهادى داهش " ومين آمن به ومين أيده ومحبيه
وبدل ما كنت مستنية اشوف "رابطة كارهى سليم العشي" بقيت بقرأ "محبى وتابعي سليم العشي " ..
الشخصية تستفزك فعلا انك تقرا وتدور انت كمان وراه … لكن مقتنعتش أن الناس ديه كلها آمنت وصدقته علشان هو له شوية كرامات وبيقنعهم بموضوع الروح ده ‼️
فكرة بقى ربط ان فيه كُتاب أمثال نجيب محفوظ وتوفيق الحكيم كتبوا ✍️ عن حالة التقمص او منشنوا 👈🏻 ليها فى رواياتهم وقصصهم القصيرة 📚مش لازم يكون علشان هما آمنوا بعقيدة داهش وتبنوها فى رواياتهم ( فى المدارى يعنى علشان مينفعوش يصرحوا بها ) برضه مقتنعتش 🤦🏼♀️ حسيتها شوية فكرة 💭 خارج الصندوق بتيجى فى خيال الكاتب بيكتبها …
يمكن 🤔 علشان انا مقتنعتش بشخصية " سليم العشي" بالتالى مش قادرة اصدق ان ممكن يكون حد آمن به .. والله اعلم لو كنت مكان الناس اللى صدقته فى وقتها وشوفت بعينى كراماته ومعجزاته كان هيبقى موقفى ايه 🤷🏼♀️
الرواية مش عارفة احكم عليها عجبتنى ولا لأ 🤦🏼♀️
شدتنى 🤨واستفزتنى 😖ومليت 😒فى بعض الأحيان من تكرار الاحداث على لسان 😛 كذا شخص ..
وفعلا زى ما سمعت عنها هى رواية مثيرة للجدل 🧐 بس اللى حسيته انى هبقى عايزة اتابع أى مناقشة هتم ليها 🤓
#مكتبة_دنيا
#قراءات_٢٠٢١