اسم المجموعة القصصية : #قميص_تكويه_امرأتان
اسم الكاتب : #أحمد_الدريني
عدد الصفحات: ١٣٠
دار النشر #دار_الشروق
❞ لقد «عودتني» عليها.. لقائها والجلوس معها والفضفضة حول كل شيء..
والاعتياد هذا شيء .. فتاك، يتفوق في قدرته على التنكيل بك على ما عداه. هو أكبر من الحب، هو الذي يجعل الزوجين يعيشان معًا أربعين عامًا.
للاعتياد قوة قاهرة، تفوق لظى العشق في النفوس. ❝
👆🏻👆🏻
من القصة القصيرة آزار
زى ما قولت قبل كده أنى مش بميل للقصص القصيرة لانى مش بلحق اندمج مع ابطالها ولا اتعايش مع قصصهم … وانا لما بتعود على حد بحب الرحرحة كده 😃
بس بصراحة أنا قعدت وربعت كمان مع ابطال المجموعة ديه مكنتش جاية visitor
😉
دخلت #درب_النصارى وافتكرت أيام المدرسة والدير اللى كان فيها ونفس القصص والاساطير اللى كانت بتتقال لما نحاول ندخل الدير وبالذات لو بليل بعد مواعيد المدرسة
🤦🏼♀️
نفس الفكرة بس مع الحارة …
وقعدت مع #شلة_المسجد_المريبة 😂
وكنت ناقص اقول للبطل اجرى يا مجدى 🏃🏼🏃🏼🏃🏼 …
وضحكت مع #مدمن_الجنائز بس عرفت هبقى اشرب القهوة ☕️
منين بعد كده لما ابقى مفلسة😉
وعرفت كمان أن "المناصب إدمان" زي القهوة بالظبط 🤦🏼♀️
وعجبنى ذكاء #مقاتل_السيستم اللى هو يا ابن الإيه يا لذينة ده انت دماغ
🧠 ألماظات 💍
❞ الرزق يأتيك ولو كنت في شق صخرة ❝
واحترت مع قميص_تكويه_امرأتان صحيح اللى فى ايدينا دايما بنشوفه مش مناسب لينا وبندور على حد تانى يكوي لينا القميص بس يا ترى مين هيكويه صح 😉💔
وفرحت فى #نصاب_النساء 😜 احسن احسن علشان تبقى تقول على النساء بعد الاربعين فريسة سهلة يا 🐕
وعجبنى طفولة #أبو_مصعب_ليث_السلفية
كل واحد فينا فيه الصفة ونقيضها المهم يكون نقيضها مايتعرضش مع مبادئنا وابو مصعب جواه الشيخ الوقور صاحب الخطب الرنانة وفى نفس الوقت ضحوك وجواه طفل جميل بيضحك على أبسط الاشياء 💙
مين قال الضحك ضد الوقار 🤷🏼♀️
تعاطفت مع #آذار وقلة حيلتها بالرغم من شهرتها وعلو مكانتها إلا أنها يائسة ومش عارفة تعيش حياتها 🥺
وده اكبر مثال أن متبنيش حكم على صور …
اصلك عمرك ما هتتصور وانت حزين ولا فى مصيبة …
أما بقى #قبل_الوفاة_بقليل و #حدث_وفاة_سيدة_عادية
فالقصتين ملحقتش اتأثر بيهم لأنهم ماتوا بسرعة مدونيش الفرصة اتعرف عليهم ولا حتى اوجب معاهم على الأقل اروح اشرب ☕️ مع مدمن الجنائز 😃
١٠ قصص قصيرة استمتعت بأغلبهم … تنوع افكارهم عجبنى واسلوبهم السلس مفهوش غموض ما وراء السطور اللى عادة بشوفه فى القصص القصيرة مؤخرا ..💙💙
#مكتبة_دنيا
#قراءات_٢٠٢١