هى فعلا حكايات بس مش الأمس ، ديه حكايات عيشتنا فيها د.يارا اختارتها لينا لأحداث أو شخصيات منسية برغم قيمتها عارف لما تدخل مكان أثرى وتبدأ تشيل التراب من على التحف الكتاب مثلى كده بالظبط .. هتعيش فى أزمنة مختلفة وتشيل التراب والستار عن أسرار وأحداث ...
كتاب اكتشفت فيه معلومات جميلة الحقيقة الأغلبية منهم مكنتش أعرفها..
الاسلوب مبسط للمتلقى هيقدر يستوعبها من غير سرد كتير او معلومات تتوهك بتديك المفيد فى بريف 😁...
هتكتشف ٢١ قصة متنوعين ما بين شخصيات تاريخية ، أدبية ، سياسية ، فنية ...
الكاتبة كانت موفقة جدا فى اختيارها للقصص وحقيقى عاجبنى اسلوب الكتاب جدااا والنوع ده بيسهل على القارىء استقبال المعلومة ، حسيت بجد أنها عايزة توصل المعلومة بشكل سلس من غير استعراض لمفردات ولا إظهار 💪 لغوية 😂
غير أنه فتح ليا مجال اكتر أنى أدور ورا كل شخصية ونجحت تستفز فضولى أنى أعرف حتى شكل الشخصيات والظروف اللى كانوا فيها 💙
بجدا شكرا لأنك حببتنى فى نوع كتب كانت بالنسبة ليا دايما بشوفها مملة وبعيدة عن قراءاتى 😍
#مكتبة_دنيا
#قراءات_٢٠٢١