❞ قاسية تلك الضربة التي تأتينا من أقرب الناس إلينا لفرط قربهم فتكون أشد ألمًا من شخصٍ غريبٍ لا نعلم عنه شيئًا.. قتلتني خيانتها ليا ... وبدأت أفكر بشكل آخر تمامًا غير تلك التي كنت عليها.. جميعنا نحمل بداخلنا الخير والشر.. وما إن تأتي فرصة توقظ الشر بداخلك تتركه يتولى الدفة في خضوع.. وهكذا فعلت. ❝
القسوة وزرع الحقد والكراهية فى نفوس البعض بيكبر ويتحول لشيطان متسلسل لحد ما يجيله الفرصة ... وده اللى حصل مع بعض ابطال الرواية .. أثر التربيه على الابطال كان هيبان كده كده ولو بعد حين ...
أول قراءاتى للكاتبة وشايفة ان أسلوبها مميز سلس
بالرغم من كرهى لفكرة الخيانات الكتير ( خيانة صداقة وخيانة زوجية وخيانة امانة ) بس ده مايمنعش أن الرواية مشوقة وممتعة خلصتها فى يوم ونص تقريبا ...
الرواية تبان اجتماعية بس هى تندرج تحت تصنيفات كتير لان فيها عنصر الدراما / الجريمة / التشويق ...
ربطت الكاتبة بين الابطال بحرفية بصراحة واظهرت نفسية الابطال واثر تربيتهم الغير ساوية عليهم فى الكبر أدت لإيه.