غزو جورج بوش للعراق بحجة وجود أسلحة دمار شامل هو فصل معروف من تاريخ الأمة، لكن اللي مش معروف للناس اللي برا العراق هو تأثير الفصل ده ومقدماته وتبعاته على الناس العاديين. في القصة دي بنشوف الأثر ده على حياة مواطن عراقي من أسرة شيعية، أبوه مغسل أموات، وهو نفسه فنان موهوب بيحب الرسم والنحت. بنشوف مع بعض من وجهة نظر بطل وراوي الحكاية اللي حصل في مدينة بغداد العريقة من قبل الاحتلال بحوالي عشرين سنة لحد بعد الاحتلال بأربع او خمس سنين. الأديب العراقي سنان أنطون بياخدنا في رحلة تانية في أعماق مية الطرشي السياسية اللي احنا عايمين فيها في الوطن العربي، بنبص عالحتة اللي فيها مكاسب وفلوس من بعيد، لكن بنعوم مع بطل وراوي القصة في الحتة المليانة معاناة وقرف، وعلى الرغم من كل المعاناة والقرف الا ان فيه قدر لا بأس به من المتعة والدعابة.
ارشحها بشدة