" في حضرة العنقاء والخِل الوفي " ❤️
يجسد الكاتب قضية ( البدون ) فالمجتمع الكويتي في شخصية المنسيّ ابن أبيه .. كيف تكون روح الشخص ملياانه بالحياة والحب لِـ وطن مايعترف فيه !
أحداثها توصف حالة البدون والمجتمع الكويتي من ناحية سياسية واجتماعية وأيام الغزو العراقي وجيش الاحتلال ..
صعبة مبدئياً لغرابة أسلوبه لكن الحبكة ولغة الرواية عبقرية بليغة ، أسلوب السرد ممتع متواصل لدرجة أنك ماتشوف فراغ فالصفحات يشدك معه باستمرار عشان تعيش معاناة هالشخص وألمه بشكل كامل -برأيي مايناسب المبتدئين أو الملولين- ..
فالعنوان اقتباس ذكي ! كانت العنقاء هي الكويت لما تولد من جديد بعد رماد الاحتلال والخل الوفي سليمان ومبارك سويد ..
الرواية تسرد حياة البطل على شكل رسالة تحكي بؤسه لـِ إبنته زينب اللي ماشافها أبدا .. شخصيته مستفزة شوي لأنه يظهر بصورة الشخص الصامت دائما اللي مايدافع عن كرامته ويعيش بدون إنفعالات .. اعتبرها تحفة فنية من الروايات اللي تعيش فيها وتخاف أنها تنتهي.