بداية .. وقفة شكر لنفسي اللي استحملت وقدرت تكمّل الكتاب لآخرته ( بجد والله! )
نخش بقه بموضوع الكتاب .. إييييييييييييه دا يا راجل، معقول اللي انت كاتبه دا، ياااااااااا لهوي، 242 صفحة وبالعامية كمان ( دا مع الفهرس والذي منه )
ما كنتش اتصور أبدا إني ممكن أقرأ كتاب بالعامية دي في يوم من الأيام ولا حتى حتصور اليوم ولا بكره ولا في المستقبل قريب والا بعيد ( آه والله! )
بس عجبتني أوي قصيدة الجبنة :) تصدق أنا كمان لما بشتري جبنة بتخلص وحتى لما بجيب كتير بتبوظ !!!
بس المواضيع اللي في آخر الكتاب مش بطالة. الكتاب دا يِتسِمِع مش للقرايه يا جماعة، حرام والله على العربية يحصل لها كده.
على فكره أنا ما كتبتش بالعربية الفصحى لأنو مش منطقي الكتاب يبقى بالعامية وآجي أنا أكتب بالفصحي .. مش كده :)
وسلام عليكو