الشقيري قرر يكتب كتاب عن تجربته في منتجع لليوجا في مدينة بونا الهندية ..

فاستهدى بالله كده ..

وقام قسم الكتاب قسمين :D

- قسم فيه شوية اقتباسات على شوية مواقف لغاندي كده عشان يعلي الساسبينس

وعلق عليهم كلهم طبعا عشان يبقى عمل حاجة في القسم ده ..

- والقسم التاني بيتكلم عن تجربته هناك ,,

بالنسبة لي أنا كأسماء ..

الإستفادة بتطلع في الآخر .. بمعنى آخر

لما الصورة تكتمل

يعني لما اتكلم عن تجربتي في حاجة معينة هتكلم لما التجربة تخلص عشان كل حاجة هتبقى أوضح ..

مش كل يوم اكتب حصل إيه بالدقيقة !! -_-

الشقيري كان بيوثق كل حاجة حتى لو ملهاش لازمة

ده عمل تشتيت للهدف الأساسي اللي معرفوش إيه لحد دلوقتي

ولحد دلوقتي بسأل نفسي ..

هو عمل الكتاب ده ليه ؟!!!

عشان كان في الهند وكده ؟!

طب ما أنا قرأت الكتاب ده وأنا في الهند ..

أروح أعمل كتاب أنا كمان ؟!!!

ثم ما علاقة انه يروح يتدرب على اليوجا بأنه يحشر غاندي في الموضوع ؟!

حسيت بأن الإسم بالجزء الأول من الكتاب فخ معمول عشان تقرأ تجربته

وفي أجزاء ضحكتني جداً والله زي جزء النملة والقطة والأسانسير :D

كانت محاولات للعمق قلبت بكوميديا ..

مع إحترامي للشقيري أنا بعزه جداً كإعلامي وكشخص وبحب سلسلة كتب خواطر شاب جداً ..

بس فلتت منه المرة دي :D