سأكتب المراجعة بالعامية لأول مرة..

أول مرة سمعت عن كتاب مأمون القانوني للكاتب المجهول صاحب لقب ديك الجن، قلت بعقلي أكيد رح تطلع رواية مكررة وكالعادة بالكتب إلّي بنعمللها دعايات وطنة ورنة وبالآخر بتطلع فشنك..

وما كنت قارئة لديك الجن من قبل أي شي من كتاباته.. وحتى شرائي للكتاب كان صدفة...

المهم بلشت فيه، بعد تشجيعات عديدة من الأصدقاء... كانت المفاجأة!

بتقرأ قصة بتضحك بأولها وبتبكي بآخرها..

لغة عامية وأسلوب بسيط جذاب بشدك تخلص القصة للآخر..

رح تلاقي حالك بواحدة من القصص..

رح تلاقي كل الأفكار إلّي جواتك ومش قادر تحكيها أو تصيغها أو حتى تواجهها بينك وبين حالك،، رح تلاقيها جوا الكتاب...

رح تلاقي واقعنا.. أفكارنا.. أحلامنا.. حياتنا.. مستقبلنا.. مشاعرنا.. قصصنا.. مغامراتنا السرية والعلنية.. خيباتنا.. فشلنا.. نجاحنا.. صحابنا.. أهلنا... كل شي

باختصار هذا كتاب عبقري لكاتب عبقري فاهم وعارف ودارس ومجرب الواقع كإنه عايش فينا كلنا ومعنا كلنا... زي فكرة تقمّص الأرواح الهندية!