- كتاب كويس جدا والفكرة العامة بتدور حول إن الإهتمام الأول للمرأة ضروري يكون لبيتها ولزوجها وأولادها ولو فكرت مرة وإنغمست ولو شوية في حياة الإستهتار والصخب خلاص هيتدمر بيتها وعلاقتها ببيتها وزواجها هتضعف جدا وممكن جايز جدا تدمر كمان

- كنت متخيلة إن الأحداث بشكل ما هتنقلب ند جزئية معينة من الأحداث خاصة إن الغلاف كمان أوحى لي بكده - رمز النازية - لكن لقيت الأحداث إستمرت على نفس المستوى تقريباً مفيش نقطة صراع قوية فيها أونقطة تحول لمجرى الأحداث :(

- الفكرة بديهية وجميلة جدا لكن تناول الأحداث بدائي جدا حسيته لا يليق بكاتب وأديب بحجم تولستوي يعنى المغزى من الاحداث كان ممكن أستنتجه من خلال أحداث أعمق من كده لأني للحظات شعرت إني بقرأ رواية خفيفة من روايات الجيب " روايات أحلام أو عبير أو .... إلخ :

-شخصية " سيرج " مثال للشخصية المحترمة صاحبة اخلاق ومبادئ وعلى عكس إعتقاد كاتيا في آخر الأحداث محسيتش إنه متزمت أو مغرور أو أي شئ من الصفات دي .

- عقلية كاتيا بشكل عام مناسبة جدا ومتوقعة جدا بالنسبة لظروف نشأتها وردود أفعالها متوقعة كمان متفاجئتش بيها طول الكتاب

- بشكل عام الكتاب ممتع لكن كنت متوقعة حاجة أعمق من تولستوي على مستوى آنا كارنينا مثلاُ :)