- أول كتاب أقرأه لــ الجميلة الراحلة رضوى عاشور بعد وفاتها ... عن إحساسي بالكتاب وبيها وأنا أول مرة أقرأ ليها أى كتاب بعد ما ماتت :(

وأروح وأرجع ويفضل أى كتاب لرضوى حضن دافي ليا ياخدني فعلاً من الدنيا والواقع الخانق حتى لو كانت في أحداث ضمن الكتاب مأساوية أو حزينة إلا إنه كله على بعضه بيبقى بالنسبة لي حالة بكون فيها

فعلاً نفسيتي في أحسن حالاتها .

- مش لاقية كلام بصراحة أقوله أوصف بيه كم إنفعالاتي معاها وتأثري بيها وكل حاجة - بكيت معاها وفرحت معاها وعشت معاها قلق نتايج التحاليل وما قبل العملية وما بعدها وكل حاجة لحظة بلحظة وإن كنت بصراحة مكنتش اعرف إنه حبيبتي رضوى عانت كل المعاناة دي في مرضها :(

- أهم ملحوظة حابة أقولها بالنسبة للوصف الأكثر من رائع اللي وصفت بيه الأحداث اللي حصلت في ثورة 25 يناير وما تلاها من أحداث الوصف ده مكنتش أتخيل إني أستمتع بيه جدا جداااااااااااا بالشكل ده لأنه الموضوع ده قُتٍل بحثاً ووصفاً وكل حاجة ومبقاش فيه كلام يتقال تاني لكن هي وصفها غير ! مختلف كنت حاسة إنى ماشية معاها خطوة بخطوة وشايفة بعنيها كل حاجة!!

- كل سطر بل كل حرف فيها أثر فيا وخلاني أفتقد حبيبتي رضوى أكتر وأكتر وأحس إنه فعلاً كتير ناقص من غيرها وإحساسي وأنا بقرأ الكلام وأنا عارفة إنها مبقتش موجودة في دنيانا عشان تكتب أكتر وأكتر حاجات كتير في بعض ... بإختصار وحشتني رضوى عاشور وكان نفسي أشوفها ولو مرة ونفسي أقرا كل كتبها واللي قريته في الكتاب ده حببني فيها أكتر وأكتر وحسيت بإحساس إني قاعدة معاها بنتكلم وبتحكيلي وسمعت معااها للآخر كل حاجة ....!