- بصراحة معجبنيش غير الجزء بتاع صلاح الدولة أو يوئيل أو أياً كان , الجانب التاريخي فيه رغم وحشيته وصعوبته لكن هو اللي شدني ومكنتش عايزاه يخلص بسرعة !

-"Black swan" خلينا نقول الرواية واضح إنه معمول فيها مجهود جبار برضو وتحس إنك بتشوف ملحمة كبيرة جدا أو أوركسترا كده قديم زى

من حاجات زمان وشايف قدامك صراع بيدور في ناحيتين في حقبتين غير بعض تماماً لكن خلينا نقول برضو إن فضلت للآخر قايمة بدور المتفرجة في المسرح محسيتش إني سبت مكاني متفرجة ودخلت معاهم في الملحمة دي ولا حتي بقلبي مثلا!

- الرواية فيها حاجة كده زى مس شيطاني ممكن يتنقلك بنسبة متفاوتة بين كل واحد والتاني من كتر الصراعات الداخلية وأفكار صلاح الدولة !!هي فعلا بالمنى احرفي للكلمة " كابوس "

- بشكل عام هي كويسة لكن ناقصها حاجة مش عارفة لسه أحددها بالظبط هي يمكن اللي كانت فاصلاني منها بالشكل ده وعاملة بيني وبينها سور