- الرواية كويسة لكن في نفس مستوى "بضع ساعات في يوم ما" تقريباً رغم إختلاف طبيعة الأحداث وبدايتها والفكرة منها أصلاً لكن كتأثير للأحداث عليك كانت في نفس المستوى مخطفتنيش كده في حاجة غلط مش عارفة !
- الرواية كان سهل عليا جدا توقع أحداثها وخصوصاً مع ظهور " نغم وخطيبها أحمد " الغير مبرر في الأحداث ولكن لازم أقول إنها كعمل أول للمؤلف طبعاً مستواها كويس لكن غصب عني بقارن بينها وبين هيبتا فحاسة بفجوة رهيبة كأنها في كفة وكل اللي كتبه محمد صادق في كفة تانية !
- هي بشكل عام رواية خفيفة تخلص في ساعة ولا اتنين فكرتها كلاسيكية جداااااا وكون إن الكاتب مفاجئنيش لحد آخرها بأى حاجة أو حدث معين فده أحبطني جدا جدااااااااااااا :(
- محمد صادق ! شكرا إنك كتبت هيبتا عشان بصراحة لو كنت قريت الكتابين الأوائل ليك دول قبل كده مكنتش أصدق إن هيبتا تطلع من نفس الشخص رغم إن روحه واحدة تقريباً لكن الأسلوب لا مختلف خااااالص وسطحي !