مستغربة ان الكتاب معجبش ناس كتير .. الكتاب بصراحة مبهر حتي الان "لاني لسه مخلصتوش"
مبهر مش عشان عرفت تتكلم فيه عن حاجات مكناش متوقعنها بالعكس
لكن عشان عرفت تصيغ كل اللي جوانا بلغة مفهومة ...
كلنا بعد صدمات وكوارث الحب بنبقي عارفين اننا لازم ننسي ولازم نبقي اقوي ونكمل حياتنا
لكن قليل اوي اللي بيقدر يعمل كده .. ان وجد اصلا
احلام "عموما " بتصيغ احاسيسنا ومشاعرنا وحتي افكارنا بطريقة مرئية ..
بترسم الكلمات علي رأي نزار قباني بطريقة تخليك كأنك شايف اللي انت حاسس بيه ولامسه بإيديك
بالتالي في كتاب زي ده .. بيتكلم عن النسيان .. اما تترسم قصادنا كل افكارنا ومشاعرنا ده معناه ان رؤيتنا لنفسنا بقت اوضح بكتير ..
يعني مبقاش لينا حجة قدام نفسنا ننكر اكتر من كده حقيقة لا مفر منها وهي النسيان
بصراحة معجبة بيه جدا ... لدرجة اني مش عاوزة اخلصه