كتاب ممتع وخفيف يلمس روحك ويوجعك والأحلي انه كاركتير :)
& لو لم أكن كده
لوددت أن أكون
مش كده .. !!
& والنبى يا شتا
وحياة ولادك
البرد والشبورة والضباب
بلاش المرة دي لما تيجي
تيجي وتجيب لي
اكتئاب
& لك حبى
وفقرى وبهدلتى وأقساطى
وإنحطاطى وإحباطى من مرتبى
اللى مش كافى
وذلى ودلدلة كتافى
وعينى المكسورة أدام ولادى
من قصر اﻷيادى
و...وفؤادى...
& امبارح كنت بتكلم مع نفسى
نمت.....
ولما صحيت...
لقيت نفسى لسة مسكتش!!
& طول ما النهار فارغ الليل هيملاه
& غرقانين ... ؟؟؟
وايه يعني ..نفضل غرقانين؟؟
حتى فرصة نعيش مع السمك .. هاديين ..
بلا مشاكل ..
بلا خناقات ..
بلا بواخة بني آدمي .. !!
& قال الحرامي النبيه لأخيه
خيرمن أن تلعن الظلام
إسرق فيه !