مراجعات 1919 > مراجعة Ahmed Gamal

1919 - أحمد مراد
تحميل الكتاب
1919
تأليف (تأليف)
تحميل الكتاب
هل قرأت الكتاب؟
  • مراجعة جديدة
  • اقتباس جديد
  • قرأته
  • أقرؤه

    الى أين وصلت في القراءة؟

  • سأقرؤه

    هل بدأت بالقراءة؟نعم


2

جولوا للى عايز يبدأ جرايه يبدأ بأعمال مراد.

فعلا بدايه حلوه لاى قارئ . سهل ولذيذ ومش دسم وهيتهضم بسرعه .

ياريت بقى لو معاليك من دول (لا تقرأ هذا الكلام)

1919 ... للاستاذ احمد مراد (مش هتحرق الاحداث.)(وآسف على العاميه)

----خطوط عريضه :

1- مش عارف ليه احمد مراد فاكر نفسه ممثل سينما لازم ينزل حاجه كل سنه .

احمد مراد عنده 36 سنه ومشهور جدا ومبيعاته عاليه ايه اللى يمنعه يصبر على عمل ويطلع لنا تحفه ؟ (نجيب محفوظ لم يشتهر الا بعد الاربعين والاسوانى لم يشتهر ايضا الا بعد الاربعين ومنسى قنديل ابدع بعد الاربعين) ليه التسرع ؟

2- اللغه رديئه جدا فعلا حتى عاميته مبتذله ومحسسنيش ان الكلام دا سنة 19 (جو الزمن نفسه مكنش موجود فى الروايه باستثناء الاسماء) بالمناسبه ادب الفترة دى خصب جدا .

3-ياريت محدش ياخد معلومه تاريخيه من الروايه (اتمتع بها زى ما حضرتك عايز ) لكن بلاش معلومه تاريخيه من الروايه (فى كتاب تحفه للعظيم طارق البشرى اسمه سعد زغلول يفاوض الاستعمار رائع)

4- مش متخيل من اللى حط فى دماغ المبدعين المصريين نظرية تشويه التاريخ الملكى (دا شئ بشع) الملكيه فترة فى تاريخنا لما نتكلم عنها نتكلم بشئ من الحياديه مش بالطريقه دى .

5- تفكير راقى انه ياخد من الزمن بطل لروايته (فعلا)

6- ايه الافورة الشديده فى قفلة الروايه دى . وايه النهايات المستفزة للابطال دى (عامل زى السبكى عايز يلم ايرادات وخلاص)

7-فى فرق معاليك انك تكون واقعى وتردد الفاظ الشعب العاميه وبين انك تكون مبتذل (لفظ قواد ولفظ ديوث عادى ترديدهم والناس بتفهم الالفاظ دى (لكن اللفظ اللى حضرتك ذكرته معرض الفكرة للابتذال)

اعتقد فى 1919 اللفظ دا مكنش مستخدم .

...باشا ايه (ديك امك دى) لأ( يا فندم اسمها دين امك) عايز تبقى رجل شعبى وتردد كلام الناس بكل اريحيه كدا ما تجيبش ورا . محدش بيقول ديك دى هى دين على طول .

رأى الشخصى : (لم احب هذا العمل اطلاقا) ورأيت فيه امتداد للابتذال الادبى الموجود . طبعا متفهم ان ناس كتير ممكن يحبوا العمل دا لكن دى وجهة نظرى.

احمد مراد ممكن يكون اديب عظيم لكنه فى الواقع تاجر عظيم . يبيع كويس يتشهر كويس لكنه مستحيل يكون قامة ادبيه عظيمه لو استمر على نفس المنوال (فعلا)

مراد مش مبهر بالنسبه لى .

Facebook Twitter Link .
2 يوافقون
1 تعليقات