الكتاب رائع جدا
تحس انه بيختطفك ويحلق بك فى السماء بعيدا عن المادية والطينية والدونية البشرية
انا بحب الصوفية الى حد ما طالما ليست متطرفة
لان العبادة المعتمدة على الحب بتكون فيها خشية وخوف من اغضاب المحبوب وحب لله انك بتعبده وتنفذ اوامره مش بس عشان خايف من عقابه او طمعا فى جنته لكن كمان عشان بتحبه ومش عاوزه يزعل منك ويحرمك من قربه
والحرمان من قرب الله هو اسوأ عقاب لانسان
واتفق جدا مع الكتاب فى فكرة ان كل الناس تتجرع من كأس العذاب مهما اختلفت المظاهر والظروف لكن كل منا لو نظر لقلب الاخر لاشفق عليه حتى اعظم العظماء واقوى الاقوياء واغنى الاغنياء
لكن ممكن تجد داخله لاشئ سوى الخواء
وعجبنى مفهوم الكتاب عن الحب وان الانسان بيحب الله من خلال حبه للناس
لانه بيحب القبس من الروح اللى ربنا سبحانه وتعالى وضعه فى خلقه
جميل جدا الكتاب بجد