قصة الكتاب :
اشتريت الكتاب من جناح المركز القومي للترجمة من معرض الإسكندرية للكتاب ، و اللّي خلاّني أجيبه كمان خصم الـ 50% للطلبة -حسب البطاقة- ، و حصل شدّ بيني و بين رجل كبير يف السن ، كانت نسختي آخر نسخة هناك و بـ احاسب عليها الراجل أخدها و الكاشير مش قادر يتكلم عشان و بيهمس لي إنها آخر نسخة و الكتاب مش جاي تاني ، و اضطريت اتكلّم مع الراجل و اقولّه إن ديه نسختي ، و على طول إديهاني و اعتذر ، قالّي إنتم جيل ما بيقراش و كويس إنكم تقروا الحاجات ديه ، أنا عندي منها ،و كان معاه صاحبه و اشتروا كتب كتير تانية .
نيجي بقى للكتاب نفسه ، في التقديم بينوّه عن إن الخمر ها يُذكر كتير ، وب يقولّك إن الخيّام الناس منقسمة على موقف الخمر عنده لقسمين :
قسم بيقولّك إن ده رمز معنوي ، يرمز للذات الآلهية ، و ناس بيقولّك ده ذكر بصورته المادية عن الخمر كشراب مُسكِر
مع قراءتي للكتاب لقيت إن الغالب هو ذكر الخمر بصورتها المادّية ، و المترجم بيشرح في حاشية في نص الكتاب تقريباً إن الخيام ، الخمر بتفتح له سبل الإيمان ، و بيعرف ربنا عن طريقها . طيب ربّنا عرفوه بالعقل ، ها تستدل عليه بغياب العقل إزاي ؟
القارئ في الكتاب ها يلاقي تباين ملحوظ بيت الأبيات المكتوبة في درجات مختلفة من السُكر . فيه حاجات عشرة على عشرة جوّا الكتاب أغلبها مرتبطة بالحياة و الموت ، لكن اللي شفته إن معظم إن لم يكن كل اطراقه للذات الآلهية هو "كُفر بيّن" !
ف
الابيات منقولة عن الفارسية و ترجمتها للعربية عشان تكون مقفّاة جعلها صعبة القراءة و الفهم مع إن فيها حواشي سفلية للشرح ، و معظم الحواشي مفيدة ، لكن فيه حواشي بتشرح بديهيات و تسيب الصعب ،ليه ؟!
ها تتعلم من الكتاب مصطلحات بغة عربية جديدة كتير ، بس الديوان كله على بعضه ما وصلنيش ، يمكن اللي فصلني العربي غير المستس
اغ -عيب فيّا أكيد- ، أو "الكفر" اللي كنت باشوفه في الغالب
جدير بالذِكر إن النسخة اللي قريتها بترجمة : محمد السباعي
عندي أمل في ترجمات أفضل !