يوم غائم في البر الغربي .. من الروايات اللي تشعر بتأنيب ضمير انك قيمتها ب5 نجوم فقط !!

من الروايات اللي تبقي عايز تعيد قراءتها من جديد بمجرد وصولك لصفحتها الاخيرة !!

تاني أروع أعمال د.محمد المنسي قنديل بعد قمر علي سمرقند

مهما كتبت عن روعة اللغة والاسلوب لن أوفي د.المنسي قنديل حقه

استطيع ان ألخص اعجابي بالرواية في جملة واحدة .. (هكذا يجب أن يدرس التاريخ.)

بدل ما طلبة المدارس يقعدوا يصموا في دروس عقيمة ويتم تقسيم التاريخ المصري بصورة اكثر مللا .. ليه ما يتمش دراسة التاريخ في صورة روايات !!

الرواية بتدور حول عدد من المحاور الرئيسية:

- عائشة بطلة الرواية اللي بتتبعها من قريتها في الصعيد الي أسيوط الي القاهرة وعودتها مرة تانية لقريتها ثم الي "وش البركة" وأخيرا رحيلها الي طيبة

لا تملك من اول فصل الا التعاطف مع عائشة اللي اضطرت بتدبير من والدتها لتغيير اسمها وهويتها لتصبح ماري وتلتحق بمدرسة الكنيسة هربا من عمها

وتتوالي الاحداث وتلعب الصدفة دورها وتسطيع عائشة مقابلة عدد من الشخصيات المهمة اللي هايكون ليها دور كبير في تشكيل شخصيتها وتحديد مصيرها كاللورد كرومر وهاورد كارتر والزعيم مصطفي كامل والمثال محمود مختار

وبما ان الحذر لا يمنع القدر ..ورغم كل التدبير والامعان في التخفي بتقع عائشة فريسة في يد عمها اللي عاشت كل عمرها هاربة منه .. في الاثناء دي بتموت عائشة البريئة وبيستيقظ في داخلها عائشة أخري لا ينقذها من كل ما هي فيه من ضياع الي اقتناصها لنصف فرصة منحها لها هاورد كارتر لتبدا معه حياة جديدة في طيبة

المحور التاني هو المحور التاريخي

بمنتهي البراعة الكاتب قدمت فترتين مهمتين جدا من تاريخ مصر

-جزء من تاريخ الحركة الوطنية المصرية والنضال في سبيل الخلاص من الاستعمار البريطاني

-وجزء من التاريخ الفرعوني وده اكتر جزء عجبني في الرواية

عن اخناتون وتوت عنخ آمون .. اكتر من 200 صفحة في منتهي الرووعة والجمال قرأتهم دفعة واحدة دون ان اترك الرواية من يدي ولو لدقائق

المحور الثالث كان عرض سير ذاتية لعدد من الشخصيات زي الزعيم مصطفي كامل واللورد كرومر وهاورد كارتر .. الحقيقة اني مش بحب اقرا كتب السير الذاتية الا اني اول مرة احبها جدا باسلوب د.المنسي قنديل خصوصا الجزء النتعلق بهاورد كاتر

الكاتب متأثر بشده بفكرة الذئاب الي بتتبع ابطاله بداية من عائشة مرورا بهاورد كارتر نهاية بتوت عنخ آمون .. وكأن الذئاب تتبع كل من له صله بتوت عنخ آمون ومقبرته

لم يعجبني في الرواية احساسي بان كمية الصدف اللي وقعت فيها عائشة مبالغ فيها ..

بصفة عامة استمتعت جدااااا بالرواية وناوي اعيد قراءتها مرة تانية في أقرب فرصة