فى الدايرة مفيش واحد بيتوه
غير اللى يقرر يوقف لف
فى اللفة مفيش واحد مجروح
إلا اما اخرها بتلاقاه خف
فـ خلاصة القول
عيش عرض و طول
و متخافش من الموت و الخرابيش
هتخاف و توقف لف .. هتموت
هتراهن و تكمل
هتعيش
---------------
استنيته كتير جدا لحد ما قريته و مخيبش ظنى فيه بجد .. كل بيت فيه يلمس قارئه من جوة .. اطلعت على اغلب ما فيه من خلال soundcloud بس رهبة قرايته كنت لا ازال محتفظ بيها
الديوان يستحق كم الاشادات اللى وجهت ليه مع تفضيلى لبعض ما ورد فيه و اللى اثرت استماعه اكتر من غيره على نفس الموقع زى دولة الثوار و سيب و من قواعد الدايرة و إنى رأيت اليوم (( عشق خاص )) و المانيفيستو (( دستور الثورة ))