معرفش بس بصراحة محبتش النهاية ابدا .. الرواية كانت ممتعة جدا فى بدايتها و انتقال الاحداث و فكرة الربط بين الازمان .. كنت متحمسة جدا ليها خصوصا فى جزئية الحاكم صلاح الدولة و حياته رغم ان كان فى احداث كتير ملهاش لازمة غير زيادة صفحات بس منها المماليك اتباعه و العلاقة بينهم ..
اول مارجعت للربط بين خالد و صلاح الدولة حسيت ب "أفورة " جامدة و مش معقول الراجل اللى فضل عايش سنين و سنين يبقى موته بالطريقه دى !! .. و النهاية " اتكروتت " بطريقة مستفزة شوية ..
رغم كل ده لازم أشهد إن أسلوب شيرين فى الكتابة رائع و مشوق فعلا و أكيد تعبت فى التحضير للرواية ..
فى انتظار الرواية القادمة بإذن الله و أتمنى إن شيرين تتجنب فيها الإطالة دى ..