قريت الرواية بعد ما شفت الفيلم ومع ذلك مكانتش مملة .. عجبتني جداً زي الفيلم .. أحلى حاجة الوصف فيها وانها ركزت على تفاصيل كتير مجاتش في الفيلم .. القصة بتدور حوالين بيسين (أو باي باتيل) وهو ابن لعائلة هندية كانوا أصحاب حديقة حيوانات في بونديتشيري في الهند .. قرروا يهاجروا مع حيوانات ويبيعوها في دولة تانية عشان يعيشوا في كندا بسبب مشاكل في بلادهم .. وفي الطريق غرقت السفينة كلها بيهم ومنجاش غير باي ومعاه الضبع والحمار الوحشي وإنسان الغاب والنمر "ريتشارد باركر".. كل دول ماتوا واتبقى هو بس والنمر في المركب ده .. وطوال أيام وشهور بيوصفلك رحلته في البحر مع النمر وازاي رغم كل اللي اتعرضله باي إلا إنه مفقدش الأمل لحظة وفضل يحاول ويحارب لحد ما وصل للشاطئ وحكى قصته .. جميلة جداً والمترجم "سامر أبو هواش" أجاد في الترجمة فمتحسش وانت بتقرأها انها عمل مترجم
أعجبني ان الكاتب عمل نفسه بطل القصة اللي قابل العجوز الهندي اللي دلّه على صاحب القصة باي وقال له انه هيعرفه واحد هيحكيله قصة تجعلك تؤمن بالله