بالرغم من إن الحكاية ككل متوقعة في أحيان كتير
لكن في حاجة دايماً بتجبرك تكمل قراءة وتعرف سعاد حصلها أيه بعد كده
الكتاب بيوصف فتره مهمه قبل الثورة مباشرة وبعدها لفترة طويلة
الفكرة الأساسية اللي بيناقشها هي بداية عمل المرأة في الفترة دي
وظهورها في المجتمع و فرض نفسها فيه وتحديد مكانه كبيرة ليها في العمل السياسي
ووقتها ده كان شئ غريب وفكرة المساواة ككل كانت مش طبيعية
وبالتالي كانت بتتناقض مع فكرة إن المرأة أول اولوياتها بيتها
وده اللي كان بيدور حوالية الكتاب
الصراع ما بين إن المرأة في الوقت ده تحافظ علي بيتها وتحقق كيانها الخاص ازاي مع بعض
يمكن معترضه إن النتيجة الوحيدة إنها لازم تفشل في حاجة من الأتنين
بس جايز وقتها كان ده النتيجة الوحيدة !
شخصية سعاد نفسها أوقات كنت بتعاطف معاها و أوقات العكس
بالرغم من احساسي إن في أحيانا تطويل في النص بسيط
لكن كان في فضول بردو إني أكملها