" هذا لانك حالم يا عزيزي , الثورة الفرنسية قادتها نخبة وحددت مثلها نخبة . الجماهير كانت وقودهم , لكن النخبة هي التي قادت وهي التي تقود اليوم .. "

الجملة اللي فاتت لفتت انتباهي جداا لانها تشبه كتير للواقع المصري بعد ثورة يناير .. اما عن الرواية فتقييمي ليها بيعتمد على 3 مستويات : * اولها المضمون فكرة ان الظروف القاسية ممكن تحول صاحب مبادئ لقاتل محترف او زي ما بتقول الرواية ارهابي رغم اقتناعي ان مش كل شخص هايتعرض لظلم فحياته هايبقى مصيره كده وان العملية دي بتعتمد على جذور الشخصية وقابليتها للتحول.*تاني مستوى هوة الاسلوب .. الاسلوب جميل جداا ومشوق جداا هايخليك عايز تخلص الرواية في ليلو واحدة ^_^ .. * المستوى الثالث بقى وده اكتر حاجة صدمتني من الرواية هية الاحداث , رايي انها مبالغ فيها جداا ومش قادرة اتخيل ان في شخص ممكن يتعرض لكم المصايب دي في حياته ..

في المجمل هية رواية لطيفة و مستنية اقرأ " مقتل فخر الدين " و " غرفة العناية المركزة " يمكن ساعتها اعيد تقييمي للرواية ..