- فى البداية فقط الإسم كفيل لوحده يخلّيك تحبه .... الكلام المكتوب فى غلاف الكتاب من الضهر كنبذة عن الكتاب رااااائع...
- المسمى الأقرب ليها فعلا " رسايل " مش قصص قصيرة....البعض منها ينفع فعلا قصة قصيرة زى رسالة الى المرسيدس السمرا لكن فى الغالب هى رسايل ودى فى حد ذاتها سمة أكسبت الكلمات وقع مختلف على النفس أثناء قرايتها بصراحة ....
- الرسايل فى منها كتير كلامه عادي ممكن تكون سمعته قبل كده قريت زيه قبل كده فى اماكن مختلفة وممكن بأساليب مختلفة لكن المضمون هنا كان بأسلوب بسيط تلقائى جدااا زى ما ممكن كتير مننا يفكر فيها ....ده بالنسبة لكتير عيب فى الكتاب لكن بالنسبة لى حاجة مميزة جدا أصبح الكتاب قريب ليا جدااااااا بسببها وبسبب نقيضها فى نفس الوقت اللى ظهر فى رسايل زى رسالة الى المرسيدس السمرا .... إزاى عبقرية كده ؟؟؟!! مؤلمة وموجعة وأسلوبها فعلا عبقري ......
- رغم انه كان فى حاجة معينة بدور عليها فى الكتاب توصلنى منه من خلال انطباعي عنه من الاشخاص اللى قرأوه وكلمونى عنه وأحبطت انى ملقيتهاش بشكل مُرضى ولازم أعترف إنى شوية أحبطت كان نفس يكون أطول من كده شوية ...لا شويتين تلاتة لكن فى حاجة فيه مخليانى فعلا متأثرة بيه جداااااااااااا
- الرسايل الأجمل بالنسبة لى " رسالة لسيادة المسئول - رسالة للمرسيدس السمرا - رسالة من شخص آخر - رسالة لن تُقرأ " .....