رواية جذبتنى خصوصا من بدية احداث الثورة لانها فترة انا عشتها بنفسى وده اداها مصداقية كبيرة

وكل تفسير احداث التيه الموجود فى الرواية واللى ملامحها بل واساس التيه ده اصلا موجود من دلوقتى

قلبى وجعنى كتير اوى على الوصف- الحيادى لشخصية ملهاش دافع انها تزيف الحقائق ...الشخصية فى

الاول والاخر لمترجم...مترجم بيغير لغة الكلام لكن ولا بيقوله ولا بيفرق فى اى حاجة من حقيقته -

على اللى بيحصل وهيحصل فى البلد لو ما مسكهاش حد امين بجد ...وخلصت الرواية وانا بدعى ان ربنا يكرمنا ونخرج من التيه ده بسرعة مش لازم 9 سنين بعد الثورة

وكلى امل باذن الله بالخير اللى جاى خصوصا وان الثورة الثانية لما قامت قامت فى الواقع على حكم الاخوان عكس الرواية اللى جابت الاخوان بعد قيام الثورة الثانية على العسكر وبعدين الاخوان كمان هيلخبطوا ويتشالوا ...ف اعتقد كده اننا سابقين بخطوة وباذن الله التصحيح مش هياخد مننا السنين دى كلها...ربنا يوفقنا

اما شخصيات الرواية..

على..هو فعلا كان مترجم ممكن ما يكونش يقدر يعمل او يغير اى حاجة..بس كل الدنيا اللى هو ساب نفسه فيها مش ليه...مش هو..كان سلبى ايوه فعلا واول خطوة سلبية انه عاش حياته مش حاسس فيها بقلبه وهو بينبض..ولا حاسس ب"حياة" فى اى حاجة بيعمله...بيعمل كل حاجة عشان المفروض يعمل وخلاص

عز الدين..حبيت انضباطه وثباته على موقفه وارائه...العجيب انى حبيت كمان ايمانه بتنفيذ المشروع الثورى اللى قعد يشتغل عليه سنين وسنين...كنت بزعل جدا لما بلاقى حد بيقول عليه السفاح...يمكن لانى مؤمنة جدا بالاصلاح الجذرى زيه...وماعنديش مبالغة فى انه كان صح مية فى الميه...هو بس كان محتاج يقلل صداميته عشان ينجح

نور..كانت بالنسبة ليا تجسيد لدور الفن فى حياتنا...الفن اللى بجد..اللى بيوصل لاعماق روحنا قيم العدل والجمال والخير...ممكن تكون فى حياة كل واحد فينا يا متجسدة فى شخص زى نور...او متجسدة فى خواطر بتيجى لروحنا احنا نفسنا

القطان...كل المجرمين اللى ملهمش اى لازمة فى اضافة اى قيمة للحياة ...وجودهم فى الحياة ومواقفهم بس عشان يسودوا كل حاجة ممكن توصل ليها ايديهم

صفية...اكتر شخصية بنسبة كبيرة حسيت انها شبهى...شبهى فى انى نفسى بلدى تكون احسن وبحاول جاهدة ان يبقى ليا دور فى ده بس مع ذلك انا بطمح لحياة افضل ليا ولاولادى فى المستقبل..الحاجة اللى ممكن تخلينى اسافر بس فى نفس الوقت ابقى ما بين مرارة ونار السفر وتربية اولادى بعيد عن تراب وسما بلدى وما بين انى ارجع وفى ظل الظروف الموجودة ما اعرفش ابقى انا ...ابقى نفسى

ربنا يكرمنا ويكرم امتنا العربية بالخير