بيضم الكتاب مجموعة من الخواطر
بتبدأها مروة بحوار بينها وبين القلم فى البداية حسيت الفكرة جميلة
لما بدأت تتكرر وحسيت كأنها هتبقى فاصل ما بين الخواطر تخيلت إنها ممكن تكون زادت شوية
بس لاقيتها وقفت لحد كده وكأن مروة عارفة ومتوقعة القارئ هيستوعب الفكرة لحد فين
طريقتها سلسة جداً ومتمكنة من اللى بتقولة وبتقدر تقولة بكذا طريقة و بكل طريقة هيوصلك بسهولة بردو
يمكن الحاجة الوحيدة اللى علقت عليها
إن معظم الخواطر بتتكلم عن الحب أو الأشتياق يعنى فى نفس النمط تقريبا وتوقعت مع بداية الكتاب إنة هيتكلم عن حالات أكتر
حبيت المقابلة اللى فى أخر الكتاب واللى كان ضيفها الحب بردو
وكأن الكتاب كان لية رسالة معينة لازم توصل
بالرغم إنى مش بحب النصائح المباشرة فى الكتب بس عجبنى الكلام فى اللقاء ده
حسيت كمان إن مروة متأثرة ببعض الكُتاب الكبار ليس فى الأسلوب ولكن فى الأفكار
يعنى فى بعض الخواطر بتبدأها بـ جٌملة لكاتب أو كاتبة وبعدها بتبدأ بعدها الخاطرة وكأنها لما قرأت الجُملة دى تكونت فى دماغها الخاطرة
ودى حاجة جميلة من وجهه نظرى وبتحصل لكل واحد فينا كتير