review الحاجة الى خلتنى اقرأه هى مقدمته ( اسطورة الكتاب )

فى حاجات كتير ارعبتنى فالكتاب و اكدت معظم شكوكى لكن ليس بدرجة الوصول لليقين ده طبعا عملا بنصيحة الكاتب نفسه

لكن الحاجات المقلقة فالكتاب :

- اصرار مكتب الارشاد فى انتخابات نقابة المحامين عامـ 1992 على ترشيح سيف الاسلامـ حسن البنا رغمـ قلة امكانياته و تبرير محمود عزت لذلك بقوله انهم بيستثمروا اسمـ حسن البنا و اعادة طرحه بهذه الوسيلة تضمن لهمـ التمكين دون ان يكونوا غصة فى حلق المجتمع و قوله ( فلتفشل نفاية المحامين فى داهية المهمـ ان ننجح فى فكرتنا )

كمان الخطاب الكارثى ص138 من احد اخوان امريكا الى خيرت الشاطر

و كمااان و دى الكارثة العلاقة بين الماسونية و الاخوان :/

كمان عجبنى الجزء بتاع المحادثات و الحوارات الى كانت بينه و بين احمد ابراهيمـ ابو غالى و رأى الشيخ فى نسب الاشياء بالاسلامية مما يضفى قداسة عليها غير مبررة

كمان عرفت كامـ معلومة تاريخية جديدة عن سيد قطب و شكرى مصطفى و كمان اصل تسمية الجماعة بالاخوان و افكار حسن البنا

من الناحية البيانية بقى :

عجبنى اسلوب الكاتب فى انه يرتب الفصل لـ براجرافات و تبقى بداية كل براجراف جمل ذات اسلوب شاعرى شوية كمان لاحظت انه دايما بعد البداية الشاعرية دى بيبتدى يكمل او يفسر احداث فالبراجراف الى قبله

لكن الى اربكنى انه مش ماشى بترتيب زمنى محدد و ده حسسنى انه بيحاول يقول معلومات مهمة بس بالقطارة :S

بس هو فى مجمله مقلق جدااا و خصوصا انه مطابق لتصرفات الجماعة فعلاا