أنا قرأت الرواية في أقل من ساعة, مسكتها و خلصتها!

هي فكرتها حلوة جداً .. بس و أنا بقرأها فيه حاجات عجبتني و حاجات لأ!

أولاً هبدأ الكلام عن منسية (الإسم مميز أوي فعلاً) وصف شكلها فكرني على طول بأفلام الرعب الأمريكي و كان صعب أن أتخيلها هي و فتنة على أنهم أطفال فحتى بنهاية الرواية كانوا مثلا 15-16 سنة مازالوا أطفال, فيه حاجات كتير مكنتش متناسبة

خاصة موضع الشعر ده, و تعمق منسية في موضوع النيكروفيليا بالطريقة دي

لكن عجبني أوي إستخدام الكاتبة للخلفية النفسية للأطفال كمسبب لكل ده, فمنسية بقت كده بسبب خليلة .. مشاكلها مع الأكل و العلاقات الجسدية بدايتهم كانت خليلة

بس حسيت باللخبطة, في الأول كنا ماشيين أن منسية خلاص عندها حالة إكتئاب و كره العالم الخارجي و أنوريكسيا، و لكن فجأة بدون سابق إنذار بدأت تستهويها فكرة مضاجعة الموتى؟ و الموضوع إنتهي بأن عندها نيكروفيليا! أنا شايفة أن مكنش بس فيه مقدمات كفاية لموضوع النيكروفيليا

بالنسبة لشخصية فتنة فهي شخصية مرعبة, طفلة تمارس علاقات مع أطفال؟

شخصية معقدة, أعتقد تنفع تبقى مادة لرواية لوحدها.

جاسر, هو اللي جاب ده كله لنفسه!

كل ده عشان كان عايز يعمل بحث رائع و يكمل رسالته و دخل نفسه في متاهة منسية!

معجبنيش الشعر أوي الموجود في وسط الكلام, و الرواية فكرتها عجبتني كان نفسي الكاتبة تتعمق فيها أكتر من كده

مين شاف كتاب عرب يعملوا روايات عن بنت مصابة بالنيكروفيليا؟ مفيش!

عشان كده كان نفسي أقرأ أكتر (رغم كون الفكرة نفسها صعبة) بس فعلا الرواية عجبتني!

تحياتي للكاتبة بجد