دى تانى رواية اقرأها لهاروكى موراكامى بعد رواية " رقص رقص رقص " .. اسلوبه من النوع اللى بيجذب من اول كلمة .. طريقته سلسلة ف الكتابة والاحداث بتنساب بسهولة

الرواية علي اسم اغنية نات كينج كول .. بتدور حوالين ولد اسمه " هاجيمى " ومعناه البداية باللغة اليابانية وده عشان مولود ف الاسبوع الاول من الشهر الاول من السنة الاولى من منتصف القرن العشرين .. وحيد والديه .. الرواية سردت حياته من صغره وحبه لزميلته " شيماموتو " وفضلوا سوا لحد لما اتفرقوا وهو سافر طوكيو للدراسة الجامعية واتعرف هناك ع بنت تانية اسمها " ازومى " وخانها مع بنت عمتها واتفرقوا برضه .. الاحداث بتمر بسلاسة لحد لما نلاقيه كبر واشتغل ف مصلحة حكومية " مصحح للكتب التعليمية " وف رحلة اتعرف ع زوجته " يوكيكو " ووالدها ساعده وفتح بارين وبقى رجل اعمال ناجح وعنده بنتين .. الاحداث بتمر بيه لحد لما تظهر تانى " شيماموتو " ف حياته وتقلبها رأسا ع عقب

الرواية ف مجملها ممكن تكون مقالتش حاجة جديدة بس الـ4 نجوم لأسلوب وطريقة سرد هاروكى للرواية والاحداث لدرجة خلتنى اخلصها ف ساعات معدودة

من ابرز الاقتباسات اللى عجبتنى :

"ثمة طرق عديدة مختلفة للعيش، وعديد من الطرق للموت، ولكن في النهاية .. لا يبقى سوى الصحراء"

."

" الحقيقة المحزنة أن بعض الأشياء لايمكن أن تعود إلى الوراء حين تبدأ في السير إلى الأمام لايمكن أن تعود كما كانت إذا انحرف شيء صغير يبقى هكذا إلى الأبد !"

"كم من هذا الشخص الذى ادعوه انا هو فى الواقع نفسى ؟ وكم منه ليس انا ؟"