كتاب رائع و غريب ، انا مستغرب من البساطة اللي بيوصف بيها و في نفس الوقت بيوصف حاجات في غاية الدقة و بيهتم بأصغر تفاصيل و بحاجات مش ممكن تخطر علي بالك ،، الوصف بيخليك تحس إنك عايش معاهم في البيت و شايف كل حاجة قدامك و يخليك بتعيش كل حالة مع الكاتب و بتتأثر بعم خليل :)
الكتاب ممتع جدا جدا لدرجة إني ما سبتوش غير لما خلصته ،
الكتاب بيوصف الحياة البسيطة اللي بتعيشها معظم الأسر المصرية و بيوصف مواقف بتكرر في حياتنا و أحنا ما بناخدش بالنا منها.
الكتاب خلاني أفكر في الناس الكبيرة اللي بتعيش وحدها و خلاني أحس بالخوف و الفراغ و الملل اللي بيحسوا بيه و البساطة اللي بيعيشوا فيها و مدي احتياجهم لأي حاجة تسعدهم.
كتاب أكثر من رائع