مراجعات كتاب التجربة الكورية : قراءة في أسباب النجاح

شكراً للكاتب محمد الجندي علي تقديم تجربة النهضة الكورية بشكل بسيط.

في عالمنا العربي كنا بنسمع دائماً عن التوتر الكوري من وقت الحرب الأهلية وتقسيم الكوريتين في ١٩٥٣، ولكني بدأت اهتم بالشأن الكوري أكثر من وقت ما بدأت الثقافة الكورية تتوغل في عالمنا العربي وخصوصاً عن طريق الأعمال الدرامية المختلفة واللي خلي عندي فضول أفهم المجتمع الكوري أكثر.

تطور دولة كوريا الجنوبية مكانش الشئ المفاجئ بالنسبة لي لأنه نفس التجربة دي تمت مع ألمانيا واليابان كذلك بعد خروجهم من الحرب العالمية تقريباً في نفس المدة الزمنية ولكن بتجارب وظروف مختلفة واللي بالتالي بتلخص رسالة الكاتب في إنه تطور الأمم بيجي من قرارها الشخصي مش محتاج اي عوامل خارجية غير اتفاق مجتمع الدولة حكومةٍ وشعباً علي النهضة ويبدأوا يتخذوا الخطوات الضرورية لبداية نهضة دولتهم بغض النظر عن الظروف الإقتصادية والسياسية المُتبعة وقتها، يمكن المُفاجئ في حالة كوريا الجنوبية إنه نهضتها تمت بالوتيرة السريعة دي في ظل حكم إستبدادي ودا يمكن يكون فعلاً معجزة النهضة الكورية اللي مستحيل تتكرر تاني لأنه نهضة الأمة في الغالب بتتطلب إشراك جميع فئات الشعب واللي هو مش الوضع اللي كانت عليه كوريا الجنوبية في ظل الحكم الاستبدادي (حكم الرجل الواحد المُخلص).