اقتباسات من كتاب أوشا: 10 أزمات في حياة البنات

❞ سيناريو حياتنا مكتوب لكن إحنا اللي بنخرجه! ❝

❞ سيناريو حياتنا مكتوب لكن إحنا اللي بنخرجه! ❝

الصح إننا نتعامل مع فشل الماضي على إنه درس اتعلمنا منه، ونتعامل مع النجاح في الماضي على إنه دافعة نكتسب منها ثقة أزيد، ولسان حالنا بيقول “طالما نجحنا مرة هنقدر ننجح ألف مرة”!

أفكارك هي اللي بتشكل ثقتك بنفسك، وتصنع الواقع اللي انتي عايشة فيه، بمعنى إن تفكيرك لو كان دايماً سلبي، هتبقي عايشة في دايرة مفزعة من الحزن والوهم والإحباط، فهتلاقي روحك مطفية وثقتك مهزوزة!

‫ والعكس صحيح، يعني لو تفكيرك إيجابي، هتلاقي دايماً عقلك بيصدرلك كلام حلو عن نفسك ومخليكي دايماً سعيدة ومشرقة ومتفائلة، وده أكيد هيقوي ثقتك بنفسك ويزود إيمانك بقدراتك!

لو ما عندكيش ثقة بنفسك ياحلوة هيحصل العكس، يعني هتكرهي نفسك وتحسي إنك ما تستحقيش أي نجاح، فتقل إنجازاتك وتقل معاها ثقتك بنفسك أكتر، فتكرهي نفسك وتحسي إنك ما تستحقيش أي حب، وساعتها لو أي حد عبرلك عن حبه -حتى لو كان صادق- مش هتصدقيه، لأنه مخالف لصورتك الذاتية اللي رسمتيها لنفسك، وساعتها هتفسري حبه على إنه تعاطف أو مجاملة أو حب بهدف