مراجعات كتاب علاقة منتهية الصلاحية: اكتشف الإشارات التحذيرية قبل الوقوع في علاقة مؤذية

دليل رائع للعلاقات و تحديدا السامه و المعقده منها،انصح بقرائته للاستفاده لتحديد ووضع القوانين في علاقاتنا العاطفيه

الكتاب حلو اوي

كنت قرأت قبل كدة رواية صعبة جدًا وحبكتها معقدة أوي لأن بطل من ضمن أبطال العمل شخصيته نرجسية، بس أنا كل اللي أعرفه عن النرجسي إنه مغرور وبيحب نفسه بس!

لقيت الرواية فظيعة والأحداث وكمية شر الشخص النرجسي دة صعبة جدًا ومكنتش مقتنعة إن ممكن حد عنده اضطراب الشخصية النرجسية سلوكه واصل للدناءة دي، لحد ما قرأت الكتاب وفهمت قد إيه الشخص المصاب باضطراب دة صعب ومؤذي بشكل مش طبيعي واضطراب شخصيته دي صعبة العلاج أصلًا! ودة لمحة صغيرة من اللي موجود في الكتاب.

كتاب مفيد جدًا ويلا بينا على المراجعة بتاعته🏃🏻‍♀️🏃🏻‍♀️

1. *الفكرة الرئيسية*:

كتاب بيتكلم عن العلاقات المؤذية والتعامل معاها وفروقات كتير بين شخصيات بعض الرجال المؤذيين أو التوكسيك بمعنى ملائم وبيبقى الشرح عبارة عن إنها بتطرح قصة وتعلق على كل موقف بيدل على إشارة خطر في علاقتك بالشخص التاني وإزاي ممكن تتعاملي معاه أو تهربي من العلاقة دي لو هي توكسيك.

2. *الجوانب الإيجابية*:

بالنسبالي العامي في الكتاب ملائم للناس اللي حابة تبدأ في الكتب اللي ما شابه الكتاب دة، للي بيحبوا كتب د. محمد طه هيحبوا أسلوبها لأنه مشابه وهي أشادت بحاجات من كتب د. محمد طه في كتابها، في أنواع علاقات هتتعرفوا عليها لأول مرة ويمكن أنتم عايشينها مع اللي حواليكم، كتاب جميل ويستحق الفلوس اللي هتدفع فيه لو حابب تجرب.

3. *الجوانب السلبية*:

معتقدش إن فيه حاجة سلبية كمعلومات أو الحاجات اللي اتحطت في الكتاب، بس الكاتبة عندها قصور شوية في السرد الفصحى اللي استخدمته شوية وأنتم لو اعتبرتوا الكتاب عامي كله فمش هيأثر معاكم.

4. *التعليقات الشخصية*:

كتاب فادني من أول كلمة لأخرها الحقيقة وعجبني جدًا رغم أني لا أحبذ قراءة الكتب.

5. *التوصيات*:

زي ما ذكرت الكتاب مناسب وملائم للي حابين يبدأوا في قراءة تصنيف زي تصنيف الكتاب، وهيحبوه جدًا اللي بيلاقوا صعوبة في قراءة الكتب اللي هي لغتها فصحى أو ترجمتها سيئة.

---------------#ريڤيو_رقم_10... يناير 2025--------------

#شغف_القراءة

#معرض_قبل_المعرض

#فنجان_قهوة_وكتاب

#رحلة_شغف_قراءات_المعرض_مع_أبجد_وفنجان_كتاب

الكاتبه متأثره ببعض افكار الفيمنستات ، ولو بنت قرته من غير وعي هتدمر حياتها من غير ماتخد بالها .

دا غير فكره الاستحقاق اللي البشر سواء رجاله وستات عايشين فيها مدمره ، حضرتك تستحق عشان بتقدم قدام اللي بتاخده لكن انا استحق عشان انا وخلاص ، فكره غبيه !!!

اجزاء كتير لفتت نظري في الكتاب عليها مأخذ ، سواء بسبب فكره الاستحقاق او افكار الفيمنستات او حتي تضارب الافكار.