رفيق الليل > اقتباسات من رواية رفيق الليل

اقتباسات من رواية رفيق الليل

اقتباسات ومقتطفات من رواية رفيق الليل أضافها القرّاء على أبجد. استمتع بقراءتها أو أضف اقتباسك المفضّل من الرواية.

رفيق الليل - فارس قطرية
تحميل الكتاب

رفيق الليل

تأليف (تأليف) 4.1
تحميل الكتاب
هل قرأت الكتاب؟
  • قرأته
  • أقرؤه

    الى أين وصلت في القراءة؟

  • سأقرؤه

    هل بدأت بالقراءة؟نعم


اقتباسات

  • واللي عرفته

    ‫ مفيش ولا واحد جنبي ساعتها

    ‫ غير أفعالي

    ‫ وإن موبايلي ولبسي الغالي

    ‫ وأهلي وكل أصحابي هتزول

    ‫ بسأل نفسي

    ‫ مين هيعيط على أيامي

    مشاركة من جميلة بوحريد
  • أرجع فتقبليني بشوق

    ‫ كان حبك كِيف

    ‫ وأنا مدمن كِيف

    ‫ الكِيف بيذل.

    مشاركة من جميلة بوحريد
  • الحزن قاتلني ياعم الشيخ

    ‫ والله حزين

    ‫ دراما كوين

    ‫ وغلط في الشكل وفي التكوين

    ‫ وحيد مش مستحمل وجعك

    ‫ اتخانت فكل الناس خاينين

    ‫ وأنت الخاين نفسك وبالأيد

    ‫ اختار اللي يخليك مبسوط

    ‫ وأنت هترتاح

    ‫ أوعيشها وحيد

    ‫ كل اللي عينيهم دبلانة

    ‫ كانت اختياراتهم تعبانة

    ‫ إنسان إن كان أو إنسانة

    ‫ نقيهم صح أنت مُخير

    ‫ كلنا ثابتين مبنتغيرش

    مشاركة من جميلة بوحريد
  • ‫ خدتي مني كام مكالمة

    ‫ عرفتي زعلي من هزاري

    ‫ وخدت منك ضحكة حلوة

    ‫ كتبت بيها كام قصيدة

    ‫ متعشيش بقى دور ربانزل

    ‫ ملكة البرج الوحيدة.

    ‫ أنتِ كنتِ في قلب شاعر

    ‫ عيب يا طاهرة

    ‫ أنتِ عارفة

    ‫ أنتِ وأصحابك

    ‫ والجيران اللي اتحكى لهم

    ‫ إن أنا مش أخري سهرة

    ‫ وكلمتين حلوين فالين

    ‫ أنتِ عارفة

    ‫ أنتِ وأصحابك

    ‫ والجيران اللي اتحكى لهم

    مشاركة من جميلة بوحريد
  • الدمعة تنزل من عينيكِ تعوص تيشيرتك.

    ‫ اللي كان وياكِ شاعر

    ‫ مش بتاع ترمس يا حلوة

    ‫ بعرف أتكلم وأقول

    ‫ بس حتى إن سبنا بعض

    ‫ لسه فاهم في الأصول

    ‫ لا قولت في سيرتك شيء يهينك

    ‫ ولا أسب وألعن سلسفينك

    ‫ ولا عمري قولت كلام يدينك

    ‫ ولا زرتي بالي عشان أقول.

    ‫ لما روحتي لحالك سيبتك

    ‫ كنت عارف رايحة فين

    مشاركة من جميلة بوحريد
  • مش أنا اللي كنت سيد الرجال؟

    ‫ وقبلتي طبعي في أي حال!

    ‫ مش كنت عم وكنت خال

    ‫ وحبيب وأب وأبو العيال؟

    ‫ أكبر فأزيد طيبة ودلال

    ‫ ومسجلاني بجوز قلوب!

    ‫ دلوقتي يعني عرفتي طبعي

    ‫ وإني عربيد مش بتوب؟

    ‫ ياستي عادي

    ‫ بس لما القصة خلصت

    ‫ عمري ما لوثت سرتك

    مشاركة من جميلة بوحريد
  • تعرف إيه

    ‫ عن معنى فكرة تدي إنسان كل حاجة

    ‫ ولما عُوده يشد حبة يكسرك هو بأيديه

    ‫ السكوت أكرم كتير

    ‫ لو كنت عارف حجم نفسك

    مشاركة من جميلة بوحريد
  • «اتغيّرت شوية شوية، اتغيّرت ومش بإيديا وبديت اطوي حنينى إليك وأكره ضعفي وصبري عليك واخترت ابعد، وعرفت اعند حتى الهجر قدرت عليه شوفت القسوة بتعمل إيه؟ قوليلي يا ست، كل ده كان ليه!

    ‫ كانت عارفة قلوب الناس الله يرحمها

    ‫ كانت عايزة حد تروح له يشيل ويأنس

    ‫ غنت للعشاق خلتهم يتجوزوا ويحبوا عيشتهم

    ‫ كانت ناصحة وماتت عانس.

    مشاركة من جميلة بوحريد
  • «لعشاق الشتاء»

    ‫ ‎لعشاق الشتاء الهادي

    ‫ اللي بيحبوا الحاجات باردة

    ‫ لمَج القهوة مع اغنية بصوت وردة

    ‫ ‎لكل غريب بروح شاردة

    ‫ ‎بيفرح بالمطر والطين

    ‫ ‎لشكل الريح وهي بتخبط الفساتين

    ‫ ‎لكل حبيبة متسابه

    ‫ وكل حبيب عشق وماطلش

    ‫ ‎لبرد ياخدنا على السكة

    ‫ ويلحقنا فمبنوصلش

    ‫ نقول هنبطل النيكوتين مبنبطلش

    مشاركة من جميلة بوحريد
  • أوقات بسرح وبدوّر

    ‫ على نفسي زمان جوه ملامحي

    ‫ التلفزيون كان سبيستون

    ‫ كونان، مازنجر، ريمي،

    ‫ ماوكلي، بومبا، وتيمون.

    ‫ بسمع اساميهم دلوقتي

    ‫ أضحك بهدوء على طفل زمان

    ‫ كان حلمه يكون سيد الفرسان

    ‫ ويهد الكون

    ‫ لكن بثبات العصيان الكون هزه.

    مشاركة من جميلة بوحريد
  • ‫ إلى «ليلى» التي جعلتني أؤمن أن كل الأشياء الجميلة لها جانبها المظلم.

    ‫ إلى صديقي أحمد عطية، ومحمد البرجي، الأول رفيق حزني والثاني رفيق نجاحي رغم حبي الدائم إلى حزني ورفيقه.

    ‫ إلى الليل الذي أصبحت رفيقه منذ نعومة أظافري.

    ‫ إلى العزازي، الأسدية، أبو حماد، الشرقية، الأراضي الخضراء، والفلاحين الذي أنتمي إليهم.

    ‫ أحبكم من كل قلبي وانصحكم بعدم شراء هذا الكتاب.

    مشاركة من جميلة بوحريد
  • هما الحلوين

    مشاركة من نونو 🇸🇦
  • حد عزيز عليا

    مشاركة من نونو 🇸🇦
  • كان عندك حق

    مشاركة من نونو 🇸🇦
  • بخاف

    مشاركة من نونو 🇸🇦
1 2