ذلك المنزل المجاور

الكتاب شدني جدا اني أكمله و بالذات آخر قصتين، روعة آوي.. من حيث الفكرة واسلوب السرد والألفاظ والنهاية

وحسيت فيهم جدا بروح الدكتور أحمد خالد توفيق الله يرحمه خصوصا في الجمل الافتتاحية و السخرية اللطيفة في النص

بجد شابوه ليكي

و متحمسة جدا أقرأ لك الرواية الجديدة

من أفضل الكتب اللى قرأتها مؤخرا اسلوب الكاتبه مميز جدا يصور الأحداث كانى اشاهدها كما يوجد تشويق عالى طوال فترة القراءه شكرا للكاتبه على هذا المجهود الكبير لاسعاد القارئ

الكاتبة من الشخصيات القريبة لقلبى...عندها القدرة على تشغيل خيال القارئ و كأنه فيلم سينمائي...أسلوب الجذب عالى و لا تترك الرواية إلا بعد الانتهاء من قرائتها

روايتها ممتعة كأني أشوف فيلم 😍❤️ روائية بامتياز تستحق ٥ نجوم

كتاب جميل جدا و الأسلوب ممتع

🌟ريفيو مختصر بسيط عن مجموعة قصصية رائعة 🍁

#ريفيو مجموعة قصصية: ذلك المنزل المجاور

* الكاتبة : لبنى حماد Lobna M. Hammad II

* الصفحات : ١٨٨ ابجد

* دار النشر : دار سين للنشر و التوزيع

* التقديم : ⭐⭐⭐⭐⭐

⭐قراءت من قبل للكاتبة لبنى حماد رواية سماعة اذن تكفى للرعب وكان تقييمى لها 5/5 .

⭐ذلك المنزل المجاور اربع قصص قصيرة لاتختلف قصة عن الاخرى من حيث التشويق والاثارة والغموض، القصص تشد القارئ سيجد فيها ماورائيات والاشباح والجريمة الغريبة والسحر والتعاويذ والفضائيات .

💥نبذة مختصرة عن كل قصة :

🔥 سالى.. لها مزاج غريب يجعلها تتلذذ بالمخاطر تبحث عن مغامرة جديدة واينما. وجدت سالى وجدت المخاطر (من اجل تطور العلم ، من اجل تطور البشرية ، لابد من بعض التضحيات ، تجارب ومشروعات تهدف للوصول للانسان الخارق ، الذى سيحدث طفرة علمية فى تاريخ التجارب العلمية الحربية )

🔥ذلك المنزل المجاور... ماذا يحدث فى هذا المنزل اللعين؟ تعاويذ شياطين اساطير شؤم خراب ، ساكنة المنزل ترا اشباح لاصحاب المنزل رجال وسيدات واطفال، كل من يستاجر هذا المنزل يحدث له اشياء غريبة غامضة وتنتهى حياته اما بالموت او نزيلا بالمصحة، ( المنازل القديمة تكتسب طاقة روحية سيئة بسبب وفاة ملاكها السابقين بطرق عنيفة وغامضة)

🔥قلب جديد...قصة تحكى عن سيدة مريضة وعلى حافة الموت تشك فى ان زوجها على علاقة بأخرى، وانه سيشترك مع عشيقته بوضع خطة لقتل زوجته المريضة لكى يرث اموالها ، ان قلب الانثى حتى ولو كان مريضا لايكذب ابدا ، ربما تعطل قلبها عن العمل ولكنه مازال يشعر بالتغيرات التى حدثت على زوجها .

🔥انه حقا مقال جيدا... صحفى فقير مديون للبنوك وعلى وشك ان يتم سجنه ، يكره النساء وخصوصا مديرته، فمن وجهه نظره ان المجتمع عن طيب خاطر يسامح السيدات بمجرد ان يذرفن بعض الدموع .

🌼الغلاف جاء رائع عن القصة الرئيسية للمجموعة ذلك المنزل المجاور ، وكذلك اسم العمل جاء على احد قصص العمل.

#رفيوهات_نادر_رضا_سبتمبر_٢٠٢٦

الأحداث التفاصيل اللغة السرد

وحتى غلاف الكتاب

كلها تفاصيل مليئة بالإبداع تأخذك وتغوص بك في عالم الرواية

ولا يمكنك الخروج منه غير مع إكمال آخر صفحة منه في جلسة واحدة

لسة مبتدي الكتاب و عارف اني هاكمله بسرعة ...ارجوكي استمري يا لبنى ...حاجة عظمة الحقيقة

اول قراءة ليا لكتبك و هابقا منتظر الجديد

كتير لطيف

القصة الي فيها سالي بتصلح تكون فيلم سينمائي ، المفروض المنتجين يلتفتوا لمتل هيك اعمال

مجموعة قصصية جميلة جدا

تاني عمل بعد فتاة تندر

اللي كان جميل جدا هو كمان

اسلوب شيق وتمكن من اللغة ..تلميذة العراب فعلا

الكتاب حلو جدا والاسلوب جميل وممتع😍😍

ذلگ

المنزل

المجاور

انا مش محبي قراءة المجموعات القصصية خالص.. بس رصيدي مع الكاتبة في العمل السابق لها، اجبرني اقرأ عملها الجديد.. أياً كان نوعه..

الكتاب مكون من ٤ قصص كلهم تحت بند الأثارة والتشويق والغموض..

هقول نبذة عن كل قصة واقول تقييمها.. وفي الآخر الرأي في المُجمل♥️

اول قصة (سالي)

بتتكلم عن بنت الي هي سالي.. وبنفهم انها بنت بتحب المغامرات واكتشاف الاماكن الغريبة وما إلى ذلك.. وفي مرة في إحدى الدول الغربية (وبالمناسبة كل القصص واخدة طابع غربي ).. وهي بتستعد لمغامرة جديدة وكشف مكان منعزل بيقال عنه إشاعات مخيفة لها علاقة بالتجارب عن البشر والفضائيين !!

بيحصل لها موقف خطير وبيتم انقاذها عن طريق شخص مجهول.. وبعد كدا بتاخدنا القصة لخط رومانسي وعلاقة حب (الله اعلم هتكمل ع ايه😂)

التقييم ⭐⭐⭐⭐

تاني قصة (ذلك المنزل المجاور)

قصة بتتكلم عن زوجين بيروحوا منزل جديد.. جميل، وهادي.. لكن.. دائما بيسمعوا تحذير وهو عدم الاختلاط بجيرانهم المجاورين ليهم لأنهم ناس غريبي الأطوار وغير اجتماعيين.. وبعد كدا بنكتشف اسرار كتيرة وغريبة ومخيفة عن المنطقة دي !!

دي احسن قصة بالنسبة لي وتقييمها ⭐⭐⭐⭐⭐

تالت قصة (قلب جديد)

ودي قصة بتتكلم عن سيدة مريضة بمرض خطير في قلبها ولازم يحصل لها عميلة زرع قلب جديد عشان تعيش، وبنشوف ازاي زوجها (الي هو الدكتور مراد أشطر جراح في عصره) بيحاول يعمل العملية ويدور عن متبرع... بقلب😳

والفكرة ان دا عشان يحصل لازم المتبرع يكون فقد حياته، دا غير ان زوجته المريضة تعتبر ذات فصيلة دم نادرة ودا جعل العثور علي القلب شيء شبه مستحيل

قصة جميلة اوي، والغموض فيها ذكي جدا ولو اني توقعت نهايتها ايه.. تقييم ⭐⭐⭐⭐

القصة الرابعة والاخيرة (إنه حقا مقال جيد)

قصة صغيرة اووي بتتكلم عن رجل شغال في جريدة (كاتب صحفي) ومديرته العجوز الشمطاء😂 ست صعبة في التعامل وبتعامله كأنه آلة مش موظف آدمي.. وبتجبره انه يكتب مقالات مُحمسة للقراء وفي ذات الوقت مش موفره له مرتب كويس بل وبتخصم منه بدون رحمة (انا حبيت القصة دي اوي لأني دائما بحس ان المدير القاسي يستاهل يموت😂😂)

بس هل بطلنا في القصة هياخد المسار دا ولا هيكبر دماغه 🤔😉

تقييم القصة⭐⭐⭐⭐

الرأي الأخير والشامل.. الكتاب روعة يا جماعة كبسولة سريعة مكثفة، لأي حد بيحب الغموض بالذات

كل القصص بلا استثناء (مع فرق المعدلات) واخدة طابع واحد .. وهو

الغموض، التشويق.. والنهاية الغير متوقعة

حتى لو توقعت جزء هتلاقي الكاتبة راحت في حتة أبعد سيكا عن الي انت فكرت فيه.. ولو جبت نهاية قصة صعب تجيب التلاتة التانيين 😃

الوصف في كل القصص جميل و سينمائي بالذات في القصة التانية.. وهي فعلا اجمل وارعب قصة فيهم..

لكن اكتر نهاية صدمتني هي القصة الأخيرة😁

وعامتا ترتيب القصص اهو من الأجمل للأقل بالنسبة لي

١- ذلك المنزل المجاور

٢- انه حقا مقال جيد

٣- قلب جديد

٤- سالي

بس فعلا كل القصص جميلة جدا وأسلوب الكتابة ممتاز ومشوق ومفيش ملل خالص في الكتاب

لو بتحب الغموووووض روح بسرعة افتح أبجد وقضي وقت ممتع ♥️♥️♥️♥️

"ذلك المنزل المجاور" – لبنى حماد

الكتاب عبارة عن أربع قصص طويلة مليانة رعب وإثارة، وكل واحدة فيهم لها طابع مختلف، لكن كلهم بيشدوا الأعصاب ويحبسوا الأنفاس.

القصة الأولى: سالي

قصة مميزة ومشوقة جدًا، أسلوبها فيه لمسة من الروايات الأجنبية، خصوصًا في طريقة السيناريو والحوار. الحبكة متماسكة، وأحداثها بتتنقل بشكل سلس بين عالم الفضائيات ومصاصي الدماء، بس هنا بلمسة جديدة ومخيفة! مصاصي الدماء مش بالشكل اللي متعودين عليه، لكنهم بيظهروا ككائنات مقرفة ومرعبة. القصة فيها رعب ممتزج برومانسية خفيفة، والأحداث في النهاية بتتسارع بشكل يخليك مش قادر تاخد نفس.

القصة الثانية: ذلك المنزل المجاور

القصة اللي على اسم الكتاب، ودي تعتبر من أصعب القصص، مش بس عشان طويلة، لكن عشان الحبكة معقدة ومبنية على أفكار مترابطة بشكل ذكي جدًا. الأسلوب فيه لمسة أجنبية، حتى الأسماء أوروبية، وكل ده في أجواء مرعبة لدرجة إنك تحس كأنك جوه فيلم رعب حقيقي. القصة بتحكي عن أم وطفلها، زوج، وحيوان أليف، لكن النهاية... بشعة لأقصى درجة! تخطف الأنفاس بمعنى الكلمة.

القصة الثالثة: قلب جديد

هنا الرعب النفسي بيكون في أوجه. القصة عن زوج ومريضة قلب، لكن الموضوع بيتحول لصراع نفسي مع أحداث مرعبة بتتصاعد لحد ما توصل لمستوى مجنون. القاتل هنا مش مجرد شخص، بل فكرة شريرة بلا قلب، وأفعاله بشعة لدرجة تحس إنك متورط في الجريمة بنفسك! فكرة القلب الجديد واللي بيبدأ يتحرك بعد موت الطبيبة في ظروف غامضة هي واحدة من أكتر اللحظات اللي تحبس الأنفاس. القصة مليانة خداع، تلاعب نفسي، و"موت رحيم" بييجي في أسوأ صوره. رعبها نفسي أكتر من كونه دموي، وده اللي بيخليها تقعد معاك فترة بعد ما تخلصها.

القصة الرابعة: إنه حقًا مقال جيد!

دي بقى قصة مختلفة تمامًا! فيها ترابط ذكي بين المقال والرواية، وده اللي بيخليها غامضة بطريقة مرعبة. القصة بتلعب على فكرة إنك فاكر إنك فاهم كل حاجة، لكن في الحقيقة لسه في مفاجآت. القاتل موجود طول الوقت، لكن ولا حد كشفه! النهاية قاسية جدًا، ومليانة غضب وانتقام، لكن الانتقام نفسه ما نجحش، وتحولت القصة لحالة من الموت والغموض اللي يخليك تفكر فيها حتى بعد ما تخلصها.

---

الخلاصة: الكتاب تجربة مرعبة، ممتعة، ومليانة تفاصيل تشد الأعصاب. الأسلوب الذكي، الحبكات المتشابكة، والنهايات الصادمة، كل ده بيخلي "ذلك المنزل المجاور" واحد من الكتب اللي هتفضل معاك لفترة بعد ما تقفله.👏🏻🤩

هذه مجموعة من القصص القصيرة تحمل الكثير من الاثارة والغموضوالخيال بعضها يناقش القوة الخارقة والتعاويذ والسحر والأخرى عن جرائم قتل في ظروف وملابسات غامضة والنهاية دايما غير محددة وتحمل التفسير والتأويل الكاتبة اسلوبها شيق وسلس والقصص تدور فى الغرب الامريكى واسكتلندة ووصف بليغ للأشخاص والطبيعة والعاطفة قوية وواضحة .

في قصه سالي ، كيف عرف ان سالي كائن فضائي عندما ذهب لانقاذها من الولدين في اول القصه

المفروض ان عرفها عندما لم تتاثر بالعقار في اخر الفصه

رائع

الكتاب جميل بالقصص التي توجد به ولكن القصص تعتبر قصيرة نوعا ما و نهاية القصص غير محبوكة بشكل جيد وتبدو ناقصة في رأيي

الكتاب جميل جدا جدا جدا