قصة في دقيقة

مجموعة القصص القصيرة "قصة فى دقيقة " للكاتب محمود فليفل من دار ابهار

انا قرأتها على ابليكيشن أبجد و حابة أشكرهم على الهدية دة

المجموعة أقل ما يقال عنها انها رائعة ، ، بداية من المقدمة اللى تحس ان الكاتب بيدعوك للتمهل فى القراءة علشان تستطعم القصص و بيطمنك انك مش حتاخد وقت كتير فى محاولة أنه يبعد عنك الملل بس بجد المجموعة دى شدتنى من اول صفحة لآخر صفحة

هى مكونة من كذا جزء الجزء الاولانى القصص اللى فيه تبدأ بحوار عادى ممكن يكون بين أفراد الأسرة أو مجموعة من الأصحاب بس تتفاجئ أن الابطال مش بشر ممكن يكونوا أقلام جاف مثلا او أقفال و هكذا

الجزء التانى قصص قصيرة رعب وسطى جميل مش ححرق اكتر من كده بس اللى أبهرنى أكتر هو الجزء الاخير و هى قصة قصيرة مستوحاة من رواية الاديب الكبير يوسف ادريس بيت من لحم و أد ايه ده كان جميل لأن بيظهر أن الأجيال بتتواصل عن طريق الادب و الفن و أننا نرجع نشوف انتاجنا الثرى فى الأدب و الرواية و نقدر نطلع بحاجات جديدة

أحب اقول شكرا للكاتب محمود فليفل لو حد يعرفه ياريت يعمل له منشن و شكرا دار ابهار أنها نشرت الكتاب ده و شكرا لأبجد أنهم وفروا التحفة الأدبية دى على الابليكيشن

#أبجد #abijad

حاولت قراءة الرواية لكني توقفت من اول قصة.. الدمجة بين اللهجة العامية والعربية الفصحى فعل مقرف ولا أريد قراءة قصة تخلط وتشوش عقلي باساليب كهذه