مراجعات كتاب ستي قالتلي

ستي قالتلي

نِسمة مدحت

دار كيان للنشر والتوزيع

168 صفحة

النسخة الصوتية بصوت سما خالد

206 دقيقة

من أول صفحة، أو أول دقيقة في النسخة الصوتية، بتحسي إنك قاعدة مع "ستي" فعلاً، مش بس بتسمعي أمثال شعبية، لكن بتعيشي معاها الحالة الحلوة بتاعة الحكايات القديمة والضحكة اللي طالعة من القلب.

الكاتبة نسمة مدحت قدرت تلم روح البيوت المصرية والعربية في كتاب واحد، من أمثال الصعيد والفلاحين لحد أمثال المغرب والجزائر ودول الخليج، في رحلة خفيفة الدم وسلسة مليانة حكمة وتجارب إنسانية بسيطة وعميقة في نفس الوقت.

الأمثال في الكتاب بتتكلم عن كل جوانب الحياة:

عن الخير والشر اللي جوا الناس، والرزق وانتظاره، والرضا بالقضاء والقدر، وعن اختيار الجار قبل الدار، والزوج قبل المشوار 😄

وفي نص كل دا، تلاقي لمسة خفيفة من السخرية المصرية الأصيلة، زي المثل اللي بيتكلم عن "الزوجة اللي تموت جوزها ولا يتجوز عليها!" 😂

نِسمة مدحت بتعرض الأمثال دي على لسان الراوية بأسلوب قريب جدًا من القلب، بسيط، ساخر، وعاقل في نفس الوقت — مزيج يخليك تسمعها كأنها بتحكي لك حكاية جدتك وانت قاعد على حصيرة العصر، بشاي النعناع وريحة العيلة حواليك.

الجميل كمان إن الكتاب مش مجرد تجميع لأمثال، لكنه تأمل في المعنى ووراء المعنى، في الحكمة الشعبية اللي اتولدت من تجارب الناس اليومية. بيخليك تفكر: إزاي أجيال كاملة كانت بتفهم الحياة ببساطة وعمق في نفس اللحظة.

أما صوت سما خالد في النسخة الصوتية فهو حكاية لوحده. صوتها دافئ ومريح لدرجة تخليك تحس إنك فعلاً في جلسة حكاوي ليلية. طريقة نطقها للأمثال ونبرتها الهادية بتخلي كل مثل يعيش في ودانك كأنه لسه طالع من فم "ستي" الحقيقية.

"ستي قالتلي" كتاب بسيط لكنه غني جدًا بالدفء والحكمة والضحكة، كتاب يخليك تبتسم وانت بتتعلم، ويخليك تفتكر إن جمل الأمهات والجدات كانت أصدق من ألف كتاب فلسفة.

باختصار ده كتاب يخليك تضحك وتتعلم وتحنّ في نفس اللحظة، ويفكرك إن الحكمة مش دايمًا في الكتب الكبيرة… ساعات بتكون في جملة قالتها "ستي" من غير ما تقصد. ❤️

ارشحه جدا

#ما_وراء_الغلاف_مع_DoaaSaad

#أبجد

#خلي_ودنك_معايا_Doaasaad

الكتاب عبارة عن امثال شعبية اغلبها مصرية وشرحها و المواقف التي يمكن استخدام هذه الامثال فيها ، لطيف وحبيت اسلوب الكاتبة ممكن مايعجب الكل لان فيه كلام عامي ممكن مو الكل يقدر يفهمو بس انا حبيت