تحميل الكتاب
قهوة الصحافة
نبذة عن الرواية
"- الخلاصة يا معلم «عماد» يا محترم، إنّ «الصحافة» نشاط سياسى لازم يكون تحت سيطرة النظام ورجالته، وأجهزته، يعنى ما فيش حاجة اسمها «حرية صحافة» و«حرية الكلمة»، كل ده كلام فاضِى وكدب فى كدب بيضحكوا بيه عَ الناس، الصحافة «سَبُّوبة» كبيرة، واللى مش مسنود فيها على ضهر جامِد، واللى مش «راكب» الموجة، يبقى مش فاهم «الفولة» وعشان كده ينطرد من «الأمبولة».. ويبقى زى حالاتى، عايش بالسَّلفْ والجمعيات والأقساط وستر ربّنا. - ونعم بالله.. كده أنا فهمت يا عم «خلف» قصدك ومعنى كلامك.. - طيب يا معلّم «عماد»، حيث إنك فهمت، ممكن مشكوراً تجهز لنا «حجر» حلو كده نختم بيه السهرة؟ - إنت تأمر يا عمّ «خلف».. من عينى حاضِر، إنت النهاردة نوَّرتنى - الله يعزّك يا معلّم، إنت أبو الذوق والكرم فِ «الباطنية» كلها - ده من بعض ما عندكم يا «خلف» بيه.. - يارب يا معلّم «عماد» أكون ضيف مش تقيل عليك وعَ الجماعة.. - إزاى تقول كده يا أخ «خلف».. إنت الخير والبركة.. - الله يبارك فيك.. صدق اللى قال «الجدعنة» لها ناسها. - تعيش يا أخ «خلف».. إشرب «الحجر» ده وإنت هتنسى «الصحافة» واللّى بَدعُوها.. - نسيتها من زمان يا معلم «عِمَاد».. ما عادش فِ البلد لا صحافة ولا جَوَافة.."التصنيف
عن الطبعة
- نشر سنة 2019
- 116 صفحة
- [ردمك 13] 978-977-748-297-4
- دار الأدهم للنشر والتوزيع
