اقتباسات من كتاب أرقام سرية

(23)‏

‫تـوقـيـع

‫ عايز تثبَت أوي

‫ ع الأرض..

‫ لازم تثبت من جواك

كان نفسي

‫ يأّلف أى نهاية سعيدة

‫ علشان مش عايز

‫ أدفع تمن الحزن

‫ اللي بيشربني

‫ وأقوم

(22)‏

‫عــقدة ذنـــب

‫ كان قاعد دايمًا

‫ فى الترابيزة اللي قصادي

‫ عمال بيزود سكر

‫ يمكن يقدر يتخلص

‫ من الإحساس بمرارة الذنب

‫ كانت كل الأعذار

‫ اللي مجهزها

الليل دخل

‫ مش ده اللي كنت بتستخبى

‫ فـ ضلمته

‫ وتعرّي قلبك للذنوب

‫ أهو جيّ يتستر عليك

‫ مرة كمان

‫ فكّر بسرعة

‫ هتعمل إيه…..؟

(21)‏

‫آخـر سـؤال

‫ ضاقت عليك الأرض

‫ بجميع وسعها

‫ ضاقت كمان نفسك عليك

‫ وسيجارة العمر

‫ اللي كنت

‫ بتستلذ بعنفوانها

‫ وصهدها

(20)‏

‫عـابر سـبيـل

‫ من غرفة التوليد

‫ لغرفة الإنعاش

‫ تراودنا أحلامنا

‫ لكن

‫ مبنعشهاش

(19)‏ ‫إنسـان فـقـير ‫ سمعتْ أنواع الموسيقى كلها ‫ وسافرتْ على كل الخطوط ‫ حاسس بإيه؟؟ ‫ حاسس بإنك ‫ _ رغم فضل الله عليك_ ‫ قلبك فقير ‫ حاسس بإنك مستباح ‫ من كل أجناس دنيتك ‫ صمتك ماعادش مستحب

و الكلام عاصي عليم

(18)‏

‫جـليـد

‫ هجرتنى كل المدن

‫ اســـتـنـــى ……جــوايــا

كِبْر ولخبطة

‫ بخلان يسبّق بالعطا

‫ وحياته

‫ شمسية مقلوبه

‫ فى الريح الشديد

‫ كان الشتا شبهي أوي

‫ مين فيكوا لما يموت

‫ هيترحّم عليه…؟؟

(17)‏ ‫كـان الشـتـا ‫ كان الشتا شبهي أوي ‫ وأنا كنت شبهه كمان أوي ‫ كانت عيونه حزينه ‫ وعيوني المطر ‫ والشمس كتّر خيرها ‫ مع أول خطر ‫ لمِّت هدومها وروّحت ‫ من غير ما تشغل بالها ‫

(16)‏

‫هـروب

‫ خد لك نفس

‫ دماغي عليت عن دماغك

‫7 سم ..

‫ أنا والمكان وإنت

‫ على جناح الضباب

‫ والمعجزات البكر

‫ ركعت بين إيديك

‫ ……………

‫ خد لك نفس

هابعت أحاسيس البنفسج

‫ تحضنك

‫ واخفض جناح العشق

‫ لعنيكي الربيع

‫ وأهاديكي بالرطب الجنية كلها

‫ ونهز جذع الفرحة

‫ بخيالنا الوسيع

‫ والشوق سنابل وردي

(15)‏

‫بـرد وسـلام

‫ احتمالات التفرد فى القصيدة

‫ تبتدي

‫ لحظة خروجك وردة

‫ من بين السطور

‫ أنا وإنتِ والحلم الشقي

‫ ومرح الطيور

‫ والشوق ما بيننا

‫ جزيرة خضرة

(14)‏

‫فــاي

‫ من غير مابعت رسايل

‫ قاعد..

‫ مستني…

‫ رد

(13)‏

‫المـعجـزة

‫ ضربتْ البحر بعصايتك

‫ عشان يتشق… ما اتشقش

‫ والمعجزات اتسرسبت

‫ من جيبك المخروم

‫ دلوقتي تقدر

‫ تحلق الدقن اللي خلاص

‫ مابقتش لايقة عليك

(12)‏

‫صـياد فـراش

‫ ماكانتش حاجة تخوّفه

‫ غير بس لما الشمس

‫ تبهت فـ الغروب

‫ كان وشه متعفر …. ذنوب

‫ وجوارحه كانت كلها

‫ متلهفه تشهد عليه

(11)‏

‫تـمثـيـل

‫ بعد ما صرَّخ أوي مـ الخوف

‫ خاف ليكون الناس شايفينه

‫ غمَّى مشاعره

‫ وكرمش عينه

‫ مثِّل إنه ما بيصَّرخش

‫ لكن الدنيا

‫ عشان بتخوِّف

‫ كل الناس ..حبُّوا التمثيل

(10) ‫يوم عـصيـب

‫ كان يوم عصيب

‫ الخلق وقفت صف

‫ و أنا قبل الإمام ‫

وطريق حياتي الجاية

‫ لسه فـ أوله ‫ كان يوم عصيب ‫

كل اللي ماشي ورايا ومكمِّل ‫ مصيره يرجع ‫ والقلوب يتبدِّلوا

(9)‏

‫فـتـوى

‫ لمّا الدنيا بتقسى عليه

‫ كان بيروح

‫ يستفتي شيطانه

‫ كان دايمًا

‫ يلاقي له حلول

‫ وأمّا اتحلت

‫ كل خرايط النور

‫ من إيده

‫ كل خطوط الدفا

‫ من روحه

كل الحاجات حواليَّه

‫ رافضه تضمنّي

‫ وملامحي فرسه بتجري

‫ من غير انتماء