مراجعات كتاب خمت

صباح مساء الخير على حسب التوقيت المحلي لمدينتكم 😁😍 وكل سنة وانتوا طيبين 🌹 🌹

قريت رواية ( خمت ) للأستاذة Ola Samir El Sherbeny

الرواية تحفة يا جماعة والله 👏🏻👏🏻👏🏻

انا طول الوقت كنت ماسكة الرواية رايحة جاية بيها خايفة اسيبها وانشغل بأي حاجة من كتر ما متشوقة أعرف الاحداث رايحة فين 🙈😍

رواية بالشكل دا وبساطة الاسلوب وجماله تجبرك لما تمسكها تخلصها ف قعدة واحدة

التنقل بين المشاهد دا كان بيخليني مع نهاية كل مشهد أقول ليييه ليه كدا استني شوية طيب أعرف هيحصل إيه 😂

واجري ع المشهد اللي بعده علشان اخلصه الاقي نفسي غرقت فيه

ملهاش حل والله ومستحيل تملوا منها

يعني انا مثلا اول ما خلصتها حسيت اني مفتقدة حاجة وعندي حنين للاحداث وعايزة اقراها تاني من الأول

بالنسبة للشخصيات كلهم اترسموا حلو اوي 👏🏻 شخصية مخلص أثرت فيا جدا ❤️ ❤️ الشخص الداعم اللي كلنا بنتمنى حد زيه ف حياتنا.. حتى لو فيه خلاف حصل ف يوم بينا ، نرجع تاني نقف ف ضهر بعض ونحتوي خلافاتنا واختلافاتنا 👏🏻👏🏻 أستاذة علا رسمت العلاقة بين مخلص وإيزيس بشكل حلو اوي

كمان سميرة حبيتها جدا وفائها وإخلاصها بقى عملة نادرة ف الزمن دا.. لكن موجودة وبتدينا امل ان الدنيا لسة بخير وفيه روابط ف حياتنا اقوى من رابط الدم

أما الشخصيات التاريخية أنا بضعف قدامهم خاصة نيفرتيتي دي بموت فيها 😌

جو الرواية لطيف جدا وكأنك عايش جواها وبتتمشي بين سطورها 👏🏻👏🏻 الكاتبة ابدعت بصراحة ❤️

رواية رائعة بها مزج بين الحاضر والماضي يجعلك تقرأ الصفحات وكأنك تري الأحداث أمامك

فانتازيا تاريخية مشوقة تدور أحداثها في عصرين مختلفين؛ عصر توت عنخ آمون، وعصرنا الحالي، ويربط الأحداث رابط قوي.. تتنقل الكاتبة بين العصرين في سلاسة ويسر وفي أسلوب لا يشوبه أي ملل أو تطويل.. ستعرف معلومات عن توت عنخ آمون وعصره، وغموض مقتله.. أعجبني محاولة الكاتبة لوضع تفسير منطقي لمقتل توت عنخ آمون، بناء على الربط بين أحداث حقيقية حدثت في ذلك العصر.

روايه ممتعه

السهل الممتنع و توليفه محببه للنفس تاريخ و فانتازيا و دراما

اعجبني بناء الشخصيات و الحوار بين الحبيبين و طرح رؤيه و وجهه نظر في فتره غير مكتشفه في التاريخ المصري القديم

رواية تحفة ادبية رائعة قرأتها اكثر من مرة.. وكانت متعة لا توصف بهذا العمل الادبي الرائع وتقييمي خمس نجوم

مزج سلس بين ما كان و بين الحاضر 😍

روايه مشوقه

نبض التاريخ بين دفتي هذا الكتاب