اقتباسات من كتاب GPS علاقات

ساعات بنبقى فاكرين إننا مش بنتأثر باللي بنسمعه، بس راجع كده شريط الكاسيت اللي اتعودت تشغله في عربيتك طول ما أنت ماشي في رحلتك؛ هتلاقي كل اللي حبيته وصدقته وتفاعلت معاه في الكاسيت يا ساعدك توصل بر الأمان، يا توهك، فلو لقيت نفسك تايه من فضلك اقفل الكاسيت.

كل معلومة بنستقبلها سواء من نفسنا أو من الآخرين بتتخزن في عقلنا، ومع تكرارها بتتحول إلى يقين بنصدقه وبنتصرف على أساسه،

دلوقتي مع وجود السوشيال ميديا، والاختلاط، وانتشار النوادي والسينمات والأماكن الترفيهية اللي سهلت علينا التواصل، بالإضافة للعدد الرهيب من الكتب اللي بتتكلم عن العلاقات، ومع وجود الكم الهائل ده من أخصائي التنمية البشرية والمدربين والمعالجين النفسيين اللي بقوا يقدروا ينشروا الوعي من خلال الميديا أو ورش العمل فمحدش بقى له حجة، وبقى فرض عين على كل بني آدم قبل ما يدخل علاقة يفهم نفسه ويفهم شريكه ويفهم يعني إيه حب أصلا.

العربية كمان ليها إطارات، وعلى حسب قوة تحمل الإطارات دي لوعثاء الطريق، للحصى، لدرجات الحرارة ولمطبات الحياة بتكون درجة أمان العربية.

⁠‫الإطارات هي المسؤولة عن إنها يا تخلي عربيتك بتجري ع الأسفلت بكل سلاسة يا تلاقي العربية بتحدف منك أو بتقف بيك، أو حتى تتقلب لو الإطارات دي لا قدر الله انفجرت وساعتها بتعرض حياتك كلها للخطر. الإطارات دي هي الأب.

العلامة دي هي الأم، الأم هي هوية العربية، اللي منها بتعرف إنت مين، إنت عربية مرسيدس ولا فيات ولا تكتوك.

⁠‫الطريقة اللي كانت بتعاملك بيها، الكلام اللي بتقولهولك عن نفسك، انعكاس صورتك في عيونها، درجة قبولها لاختلافك؛ كل ده هو اللي شكل هويتك وبقيت في الأوراق الرسمية يا مرسيدس يا تكتو

الحب زي السواقة عشان لازم يبقى قلبك ع الحبيب، وعينك ع الطر

الحب زي السواقة عشان ما ينفعش واحد تايه في الدنيا مش عارف هو رايح فين يقع في الحب، وعشان ما ينفعش حد ماشي عكس اتجاهك يبقى رفيق الرحلة، وعشان إنت اللي سايق والقرار قرارك يا برنس.

التعبير عن المشاعر وتسميتها بالكتابة بيساعدنا نفهم اللي جوانا وبيطمن عقلنا.

أوقات كتير أوي نلاقي غضبنا أكبر من الحدث، خوفنا مش مبرر، نفورنا من شخص ماعملناش حاجة لكن بيفكرنا بحد تاني ضايقنا وقت ما كنا أطفال، ساعتها اللي بيتصرف مش بيكون أنا العاقل البالغ، لكن العقل اللاواعي اللي بيحاول يحمي الطفل اللي جوا اللي اتأذى من حاجة زمان

❞ قواعدها ❝

❞ الشخص اللي الكلام لغته الرئيسية لو ماسمعش كلام إطراء تحفيزي بشكل متكرر، بيحس ساعتها إنه مش محبوب، ويبقى عنده مشكلة في العلاقة، وبيحس إن احتياجاته مش مشبعة ويبتدي خزان الحب بتاعه يقل. ❝

❞ الشخص اللي محتاج لغة الكلام الحلو من اللي حواليه كتعبير عن حبهم ليه هو نفس الشخص اللي طول الوقت بيقول كلام حلو اللي حواليه، بمعنى إنه بيدي اللي هو محتاج ياخده. ❝

❞ كل إنسان فينا ليه الطريقة اللي بيها بيحس إنه محبو ❝

❞ ⁠‫مش دورك تصلح عربيات الآخرين، لكن دورك تركز في عربيتك وتحميها من أخطاء اللي حواليك. ❝

❞ ⁠‫مش دورك تصلح عربيات الآخرين، لكن دورك تركز في عربيتك وتحميها من أخطاء اللي حواليك. ❝

❞ لو أنا لسه مش عارف نفسي ولا بحبها ولا عارف أنا إيه رسالتي اللي ربنا خلقني عشانها، يبقى ازاي هحب حد تاني وهقدر أعرفه. ❝

الأناني هو اللي بيأخد احتياجاته من الآخرين من غير ما يديهم حاجة، لكن أنا هحب نفسي؛ فهاخد ثقتي بنفسي من نفسي وهاخد شعوري بالاستحقاق من نفسي.

المشكلة اللي بجد إن كل اللي بيسوقوا معاهم رخصة، لكن مش كل اللي بيحب أو متجوز معاه رخصة الدخول في علاقات ولا الوقوع في الحب.

‫إهداء

‫ إلى كل من وقع في الحب حتى لا يبقى وحيدًا

‫ وإلى كل من وقع في الحب وظل وحيدًا

‫ وإلى كل من لم يقع في الحب بعد

‫ إليك أنت