مراجعات كتاب حواديت المآذن : التاريخ السري للحجارة

كتاب ممتع جداً يحكي تاريخ مساجد القاهرة الفاطمية والمملوكية والعثمانية وكواليس بنائها وتاريخ بانيها وأصحابها ومن دفنوا فيها بأسلوب سردي قصصي ممتع، وقصة كل مسجد منهم تصلح أن تكون نواة لعمل درامي وحدها أدبي كان أو فني

طول الوقت نفسي أزور المساجد دي كلها -والآثار كلها عموماً والله- وأدخلها وأستمتع بيها، بس في كل مرة بروح فيها المعز مبلحقش أمشي خطوتين وألاقي اليوم خلص ومبلحقش أدخل حاجة 🙄

يمكن الأمنية دي كانت متحوشة لحد ما ألاقي الكتاب ده، لإني أعتقد إن يوم ما ربنا يقدرني إن شاء الله وأقدر أنزل أعمل اللفة دي وأزور المساجد دي كلها لازم الكتاب ده يكون معايا، ويكون دليلي في كل مسجد عن قصته وقصة كل تفصيلة فيه

وفقاً للكتاب في مساجد منها مقفولة وممنوع زيارتها أو الصلاة فيها، أتمنى لو روحتها يعني ألاقيها اتفتحت بقى 😎

#حواديت_المآذن للكاتب الصحفي #إيهاب_الحضري

#جولة_في_الكتب #كتب_تاريخية

#سارة_الليثي