اقتباسات من رواية ناس محطوط عليها

‏هي مفروض ليها حق تطلع كارنيه معاقين وتعمل إجراءات معاش معاقين لان اهلها تحت خط الفقر بكتير ومصاريف علاجها مسحت بيهم الأرض‏ ‫ ‏المهم الشؤن الاجتماعية طلبوا منها تروح تتعرض على لجنة عشان يتعمل تقرير بنسبة الإعاقة وتكمل إجراءات

البنت دي متجوزة شخص مريض صرع بدون اوراق وهي في عمر اقل من القانوني وخلال اسابيع هتبقى ام لطفل غالبا مش هيتسجل في الاوراق الرسمية ووارد جدا يورث نفس حالة ابوه وتلف الدايرة ويجوزه بنت غلبانة برضه تفضل تنضرب وهي شبعانة ف بيته ...

عرفت منها ان لها 6 اخوات كلهم بيشتغلوا في البيوت وان ابوها بيفرح لما بيجيب بنت علشان ده باب رزق جديد وان كلهم بيشتغلوا وياخد مرتباتهم عشان يبني بيت كبير في البلد ‏ ‫ ‏ـ المدام كويسة بتحطلي اكل بس بتزعق كتير

‫ ‏في أحد شواطئ الساحل الشمالي شفتها ‏ ‫ ‏وشها المدور وخدودها بيقولو ان عمرها يادوب 9 سنين ‏ ‫ ‏لكن عنيها الدبلانة ولبسها المبهدل وشعرها المربوط قمطة شبه بتاعة التمريض بيقولوا انها اكبر من كده ‏ ‫ ‏

شكران ‫ ‏هي شكران‏ ‫ ‏ده اسمها ‏ ‫ ‏شكران كانت اصغر بنات الست عزات بعد ما كل اخواتها الرجالة والحريم اتجوزوا ‏ ‫ ‏شكران اللي كان عمرها 17 سنة وقتها اختارت تعيش عشان تخدم الأم عزات اللي كانت عاجزة عن الحركة.

-ومالك زعلانة ليه؟ ‏ ‫ ‏-مش زعلانة إنما ندمانة……. البيبي ده إبنك؟‏ ‫ ‏-اه دي بنتي تويا ‏ ‫ ‏-ماشاء الله ربنا يخلي ‏ ‫ ‏- وانتي فين ولادك ‏ ‫ ‏المرة دي دمعت ‏ ‫ ‏- ماليش ولاد ‏

سر خوفي منها اني شفتها بعنيا بتشيل جهاز تنفس من مريضة كانت متخانقة معاها في العناية المركزة، لحد مافهمت هي قد ايه واصلة‏ ‫ ‏في ليلة اتخانقت مع الدكتور النباطشي بتاع شفت الليل وقالتله والله مانت ‏ ‫ ‏بايت فيها

كان بيدفع القسط قبل ميعادها وكان فرحان قوي بس النصيب. شغله عالصحراوي خبطته عربية وهو معدي راح هو والتليفون وانا مش خايفة علي روحي بس البت لسة صغار وملهاش غيري ‏ ‫ ‏ـ طيب يا حاجة حقك عليا انا هحاول اساعد.

‫ ‏عزيزي الراجل المصري خلي عندك دم الكلام مش بفلوس مطلبناش منك هدية.. كلمة حلوة كفاية. لا وبتزعلوا لما تسمعو ان واحدة قتلت جوزها..‏

‫ ‏لا ياخويا منك له الإحباط وكسرة النفس اللي بتعملوهالهم هي اللي بتوصلك لمرحلة السكاكين والأكياس.

ست ام حسني ست مصرية اصيلة زي كل مصرية تشيل جبل علي كتفها وتقول يامعين. اتجوزت سعيد اللي زي معظم الرجالة المصريين كرشه بيكبر وعقله بيصغر بس مش موضوعنا ‏ ‫ ‏الست خلفت عيال كتير صبيان وبنات وشقيت في تربيتهم .

حتي شباب الحتة بقو يسهروا يرغوا ويبرشموا جنب شباكها عشان يمكن يلمحوا القميص اللي ياما سمعو عنه مش مهم ان صاحبة ‏ ‫ ‏القميص ست معدية ال60 سنة المهم يشوفوا اي حتة لحمة‏ ‫ ‏وفي ليلة ملهاش ملامح ....

وليلى فضلت هنا تبكي وتذاكر وتشتغل لحد ما مرضت مرض احتاجت تاخد معاه كورتيزون ‏ ‫ ‏الكورتيزون تخنها وضيع جمالها، واهلها اللي اتوفي واللي هاجر وبقت وحيدة والسنين قعدت تفوت وهي عايشة على ذكري حبها مستنية ربنا يعوضها في الوقت المناسب.

‏في شبرا زمان وانا لسة 7سنين شفت في شارعنا ست يمكن سنها خمسين كانت من مرضى السمنة بتتحرك بصعوبة جدا لكن كان فيها عظمة وشموخ مش طبيعي. كانت تشبه قوي ام كلثوم، حتى الناس كانوا بيعاملوها على انها قامة عظيمة

وقع فارس بين المعدية والبر وزي ما بيقولوا غطس مقبش هو واحلامه وصنعته وكل حاجة ‏ ‫ ‏بعد الأربعين اخوه خطبها وهيتجوزها في نفس الشقة اللي مجهزها فارس وزي ما كان بيتمنى الجزيرة كلها بتحكي عنها.‏ ‫ ‏القصة حقيقية والجرح لسة مفتوح والوجع لسة مخافش.

شمس كانت جاية المستشفي مصابة بحروق خطيرة نتيجة انها حاولت تنتحر وولعت في نفسها ‏

‫ ‏بس الحقيقة كانت حالتها الصحية افضل مني سنها ميعديش 24 سنة وقالت انها متجوزة‏

‫ ‏هي ليها قصة مبعتبرهاش قصة غريبة لأنها اتكررت كتير

واشترت التلاجة ‏ ‫ ‏ووضبت كل حاجة وسجلتله كل سنة وانت معايا وطلعت تنام من كتر التعب عشان الباشمهندس مبقاش يرجع قبل الفجر ‏ ‫ ‏رجع وسمع الرسالة وكتر خيره سابلها رسالة تانية تسمعها لما تصحي ‏ ‫ ‏انا اسف يا أميرة انتي طالق أنا محتاج أبقى أب.

-ده ضنايا ونفسه مكسورة يعني اسيبه يسرق بكرة تعرفي غلاوتهم‏ ‫‏* لايا ستي مش عاوزة اعرف ‏ ‫‏*سلوى قولتيلي انتي جيتي هنا ازاي؟‏ ‫ ‏_اه الجماعة دول كانوا ناشرين اعلان في الوسيط وابني بتاع السياحة ده هو ال قراه وقالي لقيتلك شغل يا أمي.

اول ما شافت النتيجة برقتله تبريقة من اللي بتجمد الدم في العروق وقالتله لما يجي ابوك لازم اخليه يوريك ‏ ‫ ‏حمادة كان هيموت من الرعب. تفكيره هداه انه يروح الصيدلية يشتري سم فيران، ‏ ‫ ‏دوبه في مية وشربه ومات ، مات مع إنه ملحقش يعيش.

توحة رفضت عشان ده بيتها ومن حقها ترتاح فيه ودي حاجة ابنها من ‏ ‫ ‏ريحته، مهانش عليهم يسيبوها في عذابها ‏ ‫ ‏رفعوا عليها قضية حجر عشان يثبتوا انها مجنونة ويرموها في أي مستشفي وياخدوا بيتها وحاجة ابنها‏ ‫ .

بس كان عنده مرض نادر. نوع من انواع السيولة في الدم الدكاترة قالوا ان اللي عنده المرض ده مش بيعيش كتير ‏ ‫ ‏تخيل تبقى بتربي ابن وعارف ان جايز متلحقش تفرح بيه. وهي في المحنة دي بيت اخواتها بينه و بينها ساعة عمرهم ما سألوا عنها.