مراجعات رواية اعترافات جثة - الساديزم 1

🔹️السرد :السرد باللغة العربية الفصحى .

🔹️الحوار: بالعامية.

🔹️الحبكة: حلوة جدا و بتشد من اول صفحة رغم اني توقعت حاجه و طلعت صح :)

🔹️النهاية : نهاية الجزء الاول حلوة جدا و مقفولة علي مشهد يشد و عاوز اقرا الجزء الثاني بسرعة عشان اعرف هيحصل ايه

🔹️رأي الشخصي:

* انا خسرت كتير اني كنت مأجل قراءة الرواية دي دي في منتهي الجمال .

*قرأتها علي مدار يوم و كام ساعه و كانت البداية في تحدي أبجد للقراءة و أحلي بداية بالنسبالي .

* عجبني جدا مشهد التحقيق مع المتهمين مع الرائد محمود و الاحلي و الاجمل هو وجود لزمة لكل شخصية من المتهمين استاذ محمد ابدع في الوصف في مشاهد التحقيق .

*فكرة الالغاز في منتهي الجمال و فكرة وجود رسم للالغاز فكرة جميلة .

* السلبية الوحيدة هو الأخطاءة الاملائية لكن جمال الرواية يغطي علي العيب ده .

* برشح الرواية لاي حد بيحب روايات الغموض و الجريمة .

ما شاء الله الرواية تحفه بجد

دى تانى رواية اقرأها للكاتب محمد حياه وهنا الكاتب تفوق على نفسه فعلا لان رغم جمال الرواية الاولى ( ٧ مراحل حتى تصبح قاتلا ) إلا ان أعترافات جثة حملت من الغموض والاثارة ماهو أكبر من الرواية الاولى

مع إنى كنت متوقعة سير الاحداث جدا إلا انى أنبهرت بالحبكة ومستعدة جدا أبدا فى الجزء التانى بكل شغف

مراجعة بقلم . ولاء القوصى

رواية مجنونة كلها من أول الفكرة للحبكات للألغاز للمفاجآت اللي بتستمر لحد آخر سطر فيها...الجزأين أحلى من بعض وبيكملوا بعض مقدرتش اسيبها إلا لما خلصت الجزء التاني...أول قراءة ليا للكاتب وأكيد مش آخر مرة

رواية تستحق عشر نجوم وليس خمسة ، قصة الرواية ، الالغاز ، الغموض الحبكة والحوارات ، رواية تشدك من اول صفحة ال اخرها اتمنى ان تتحول الى فلم سينمائي

نبدأ المراجعة على طول مع الغلاف وكلمة الظهر المثيرة وأصابع الاتهام اللي عمالة تشاور عليك أنت كقارئ.

وخلوني اقول ان الرواية مخلوطة بالألغاز والأحجيات والفوازير زي عادة الكاتب.

وبنجرد ما بدأت القراءة دخلنا بشكل مباشر في تفاصيل الحبكة اللي بتبدأ مع بث مباشر لرجل خمسيني على صفحة من صفحاته المتخصصة في العاب الذكاء وهو بيموت خلاص ويعترف على القتلة المسؤولين عن قتله.

ونبدأ نتعرف على المتهمين ونشوف التحقيق مع الضابط محمود وتلميذه حازم بمساعدة زياد الصحفي الفضولي المتخصص في حل الألغاز.

كنت أتمنى بشدة لو تم حذف فصل كده من الفصول الأولى كان هيكون أكثر إثارة وتشويق.

كشف الالغاز والحكايات واستخلاص اعترافات القتيل من ملفات مشفرة كان بجد رائع ومميز جدا.

الرواية سحلتني فعليا واستنذفت عقلي وحواسي لدرجة كبيرة لحد ما نوصل للنهاية.

تعالوا نتكلم عن اللغة في الرواية واللي كانت عربية فصحى بسيطة في السرد والوصف لكنها كانت بالعامية المصرية في الحوار.

ساعات كتير كان الحوار طويل شوية لكن ده عشان طبيعة الرواية وتوضيح منطق وبيان الشخصيات.

اخيرا خلوني اتكلم عن السلبيات وهي مش كتير خالص يمكن بس الحكم غير المنطقي في القضية وده لأسباب كتير قانونية وإدارية معروفة ومستغرب أن الكاتب مش عارفها.

الخلاصة الرواية الأولى في اعترافات جثة كانت روعة وجميلة وفتحت نفسي من تاني وطبعا برشحها وبقوة.

#أحمدمجدي

الرواية: اعترافات جثة 1.

الكاتب: محمد حياه.

دار النشر: دارك.

عدد الصفحات: 298.

في قراءة جديدة للكاتب محمد حياه بعد قراءة رواية جريمة هاردلي هاوس، والتي كانت رائعة جداً وحماسية مع صدمة نهايتها، بدأت رحلة جديدة مع رواية اعترافات جثة، التي بدأت بفيديو مباشر لاعترافات المجني عليه بمن قام بقتله مع أسمائهم، وتصويره لجسده المضرج بالدماء أثر طعنه بخمس سكاكين، وتقييد ذراعه الأيمن وقدميه، لتتحول إلى قضية رأي عام، خاصة بعد وجود ستة مشتباهين منهم زوجته الثانية وأخته و ولده، ليتولى القضية الرائد محمود صقر الذي يحاول في رحلة طويلة حل الألغاز التي تركها المجني عليه برفقة الملازم حازم كامل و مهووس الألغاز زياد، لينكشف له حقيقة المجني عليه القذرة والسادية التي أشعرتني بالقرف وبجنون العظمة الذي شعر بها المجني عليه طوال حياته القذرة.

النهاية كانت صادمة مشوقة للجزء الثاني، مع شعوري بملل في بدايتها بسبب الحوار الغريب بين الرائد محمود والملازم حازم بالفصحى والذي شعرت أنه غريب وسط الأحداث، ولا أعلم لماذا ضايقتني اللغة الفصحى لأول مرة.

أتطلع قدماً لقراءة الجزء الثاني من الرواية.